大家買醫療保險，一般都係諗住買一份終身嘅醫療保障。但你有冇諗過，當你買咗一份醫療保險，保險公司都有機會唔同你 續保 ，令你失去保障？如果你係想要一份終身保障，咁你就要知道到底乜嘢係「保證終身續保」條款喇。
什麼是「每年續保」？
醫療保險，愈年輕購買，保費就愈便宜。隨住年齡增長，身體老化，醫療保險就會漸漸多咗機會發揮作用，令你無需擔心負擔高昂嘅醫療費用。但如果你買的醫療保險係每年續保嘅話，保險公司到某個時間，有機會按個別情況拒絕續保，令你失去保障。
所謂「每年續保」，就係指保險公司可以要求客戶在某個歲數之後，提供健康證明或進行身體檢查，甚至要參考索償紀錄，先決定畀唔畀你續保。例如某些醫療保險計劃，投保上限會係65歲，最多只能續保到70歲，咁嘅話你到了70歲這個最需要醫療保險嘅人生階段，就會失去保障。到時你就算想買另外一份醫療保險，不但保費昂貴，而且你過往的病歷都極有可能不被保障。
什麼是「保證終身續保」？
不過，如果你的醫療保險有「保證終身續保」條款，則表示你可以一直續保到指定年齡（多數也是100歲），而你係購買保險後有過的病患，一般都會繼續受到保障。
不過無論係保證續保或者終身續保，唔代表你嘅保費就永遠不變。保險公司會根據你嘅年齡、通脹或其他因素調整，但起碼你會有權利續保，而唔係任保險公司決定你可唔可續保。而續保嘅條款都會因為每張保單而不同，最穩陣當然係比較多間保險公司嘅續保條款後先購買啦。
如何利用「保證續保」，配合你的公司醫療保險？
好多人因為公司有醫療保險福利，就覺得自己唔需要購買一份私人的醫療保險。但公司嘅醫療保險，往往只保障到退休。到你退休時，可能帶著一身病歷，年紀又大，到時就極難買到一份合適嘅醫療保險。
想避免這情況，你其實可以係年輕時先購買一份彌補團體保險不足嘅個人醫療保險。
這類補助式嘅醫療保險，重點係收費便宜，同埋減低風險。例如30歲嘅投保者，每月只需$45保費，就有每年$180,000嘅大房級保額。
你可能會問，點解保費會咁平？因為這類保險嘅自付額高，所以唔需要太貴就買到。自付額高唔代表你需要自己承擔風險，別忘記，你有公司提供嘅醫療保險，當你出事時，先Claim公司嘅醫療保險，過咗額先再Claim自己那一份，風險就大大減低了。
而這類補助式保險另一好處係可以自選減低自付額，以及有終身保障。當你退休時，就可以選擇減低自付額，擴大保障範圍，填補失去公司醫療保險嘅不足，再加埋有終身保障，咁你一世就唔需要為醫療費用多加費心了！
——
如果你想知道更多終身續保嘅醫療保險計劃，MoneyHero.com.hk當然願意幫你比較啦！
回到文章
