搭飛機去旅行，相信唔少姊妹都會趁機係機場既免稅店買唔同既化妝品同名牌袋。名牌袋就眾所周知係機場買平d 啦 (例如Longchamp就出名係機場買特別平） ！至於化妝品，好多人都以為係機場買同係出面買一樣，因為香港既化妝品係免稅既。NONONO，如果你咁諗就錯曬喇！係機場（特別係飛機上面！）買化妝品係抵好多，因為好多化妝品公司都有機場免稅限量版！買呢d 限量版分分鐘平出面買一大截呢！

等小編同大家研究下有咩係機場必敗化妝品啦！以下呢幾款係小編自己既心水推介：

Bobbi Brown 既兩隻眼線膠連迷你掃

眼線膠同埋化妝掃不嬲都係Bobbi Brown 最出名既產品之一，佢地有一款機場限量版，可以俾大家一次過買曬黑同啡兩枝眼線膠，加多個迷你掃，盛惠港幣＄510。

Bobbi Brown 機場限量眼影盤

除左眼線膠之外，Bobbi Brown 既機場限定版眼影都係好吸引既，佢地呢個眼影同每年聖誕個限量版都好相似，不過聖誕個個好快會賣曬 ，真係唔易買得到，所以，唯有係機場買啦！

YSL極緻聖羅蘭旅行唇彩彩妝盤

呢個唇彩旅行包抵就唔係話特別抵，但個款真係好靚好優雅，不愧為YSL既設計。雖然小編得一個嘴，但都好想買佢番屋企日日轉唇色番工呀！

 －－－

其實機上免稅店真係好多荀野買，講都講唔曬。所以大家下次搭飛機前不妨上網睇下唔同航空公司既shopping guide 先，諗定想買咩野啦！你仲可以係個網預訂添架。國泰既shopping guide:https://www.cathaypacific.com/dutyfree/index.html?locale=zh_HK

順便同大家一提，如果大家係國泰航班上買野最好就係用American Express 既國泰聯營卡，因為國泰AE 卡飛機買野有每5蚊送兩里既優惠！用其他信用卡港龍同國泰航班買野都會有每5蚊送一里既優惠喔！國泰CX卡詳情：https://goo.gl/p7Vm35

MoneyHero，香港最公正既金融產品比較網站，即上moneyhero.com.hk 得到更多優惠資訊及理財貼士！