想係屋企或者office搞番個萬聖節party?搞party 比你想像中要簡單好多！今日MoneyHero為大家提供 9 個DIY小貼士，等你可以得心應手咁佈置party裝飾同食物！
簡易Halloween DIY 小裝飾
Halloween party 點可以無恐怖佈置？雖然party 呢家野係愈早開始佈置愈好，但香港地大家都出曬名忙，點會有咁多時間慢慢佈置吖！咁到底點先可以係短時間內dec 好自己屋企俾朋友黎玩呢？
恐怖糖果罐
相信好多人屋企都會儲左一大堆無用既糖果罐呀餅罐之類，呢堆野係萬聖節就可以派上用場喇！只要你首先將佢地清潔左先，再隨心加d 假血跡呀、用毛線做既蜘蛛網呀之類的裝飾，然後點枝蠟燭就完成啦！你都可以用橙色紙將d 罐裝飾成南瓜，咁就可以做裝飾品喇！
巨型蜘蛛網
唔講唔知，原來大型蜘蛛網裝飾係好容易整既，你只要用繩就可以做到，一次過就可以整曬成部牆。呢度有個demo可以教大家點樣整個蜘蛛網出黎。去片： BowMaster giant spider web
恐怖家庭照
要係house party嚇人，點少得一張充滿詭異感的家庭照？依家科技咁發達，你好快就可以PS一張恐怖相出黎喇！
Halloween Party 派對食物
係一個完美的Halloween party, 點少得一堆應節既萬聖節食品？唔駛次次都出去買一堆番屋企既，自己係屋企都做到啦係咪先！
魔鬼珍寶珠
當小朋友上門問係trick or treat 既時候，你當然要做好準備，買定一大堆糖啦！你可以用一張tissue，好似晴天娃娃咁包住珍寶珠，再畫個哈哈笑係上面就得架啦！
Spooky Halloween Drink
呢段片教大家係屋企整halloween特飲。材料好簡單，你用雪碧、nerds (一種綠色既糖）同冰就得架啦。綠色糖會令你成杯野都變成綠色，想再驚嚇d 你都可以加埋眼球造型糖落野飲添！
回到文章
