有投資教育中心就結婚開支進行調查，發現6成新人籌備婚禮都有「使大咗」，當中更有1成人超支近5成！結婚固之然高興，但唔審慎理財，隨時搞到負債纍纍。不如試下用手機理財慳錢Apps，同伴侶一齊計劃開支預算。MoneyHero就為大家嚴選以下5個免費理財慳錢Apps。
1. WeVow：結婚及婚禮籌備工具
WeVow是ESDlife新婚生活易推出的婚禮籌備手機應用程式，準新人可以 透過婚禮倒數時間表、預算表、優質婚禮商戶資訊，以及特別的「Find Your Style」功能，幫忙新人隨時隨地、輕鬆找到心水婚禮商戶及完成結婚任務！詳情
唔止睇到籌備婚禮進度，WeVow仲提供全港多間婚禮商戶資料，包括婚戒首飾、攝影攝錄服務、籌備海外婚禮同蜜月旅行公司等資料，為你搜羅優質婚禮商戶以及榮
2. To:Day：Deadline與準備事項，一目了然
成日聽人講一有結婚打算就要快快手提早訂酒席同人氣婚禮攝影師，如果唔係就好難book到心儀嘅選擇！其實籌備婚禮歷程長逾一年，要做嘅事又多，點記到咁多，節省時間、做事有效率亦係慳家重點，對於整理婚禮籌備工夫，坊間就有App幫到手，準新人可於To:Day列出有關婚禮的多項準備事項以及Deadline，仲可以Set埋日曆提醒，而且有倒數功能，日程清晰，令籌備工作更有系統！
3. Wedpics：Big Day自己做攝影師，曬相錢慳番！
Wedpics係一款免費嘅自製婚禮相簿App（另外亦設網頁版），新人只要免費註冊ID，又或者利用Facebook帳戶登入，就可以建立屬於自己嘅私人相簿。然後再以短訊、Facebook或Email將ID Send俾親友，所有人就可以透過App上載同下載婚禮當日所拍嘅相片/影片，亦可以留Comment同俾Like，分分鐘連攝影師嘅錢都慳番。除咗可以開設多個相簿外，照片數量都冇限制。仲有，你可以利用Wedpics自製邀請卡，或透過Email、Facebook等Send Message通知親友。
4. 婚Page：開支預算分類仔細
婚Page 同樣羅列咗婚禮服務商戶嘅資料，但數量比WeVow同婚禮商戶指南少，而且有少量商戶廣告，但值得一讚嘅係Apps內有得睇商戶作品，多個參考頗為方便。App同時又設有「進度管理」，按照婚禮1年前、6個月前、2星期前等時期列出各項應做項目。
「財政預算」功能就按各類支出項目如宴會場地再細分為多個項目（如婚宴酒水、場地布置同花品），而且有得計算每個項目嘅預算同支出，可以隨時Check住邊部份超支，仲有個Apps有匯出功能，可以將支出表透過電郵、藍牙同Skype等途徑傳送出去。
另一個比較特別嘅功能係「賓客名單」，用家可以輸入賓客名稱、人數同枱號等資料，用App統計賓客人數同席數，Check住自己寄出邀請未。
5. GaiFong：租用婚禮用品，慳錢又環保！
籌備婚禮其實有好多嘢都只係喺Big Day用一次，譬如花球、襟花同手花咁，與其買番嚟用一次就放埋一邊唔用，倒不如利用GaiFong借物平台向其他用戶借嚟用1-2日啦！價錢最低嘅都只係每日幾蚊，又唔駛囤積雜物，一舉兩得！
根據2016年全港結婚消費調查結果，新人籌備婚禮嘅平均開支超過30萬，當中酒席更要成16萬！
延伸閱讀：【 結婚要幾多錢？】籌備結婚的開支預算
想慳更多，梗係要準備定幾張好嘅信用卡用嚟賺現金回贈同飛行里數，計落可以慳番唔少錢！而家唔少信用卡都推出豐富嘅迎新優惠，只要睇準時機申請，食正個迎新優惠，要賺2張免費機票去度蜜月都不成問題！
想了解更多不同信用卡的優惠，即上我哋比較平台。或即按此睇睇不同銀行嘅信用產品啦。
延伸閱讀：香港平靚正 拍拖好去處
延伸閱讀：情侶必備： 拍拖 約會首選5大信用卡
想知道更多優惠資訊同慳錢方法，就要留意MoneyHero Blog，同埋緊貼我哋嘅Facebook Page！
回到文章
