美國斯克蘭頓大學大學喺2015年1月發表既調查指，只有8%既美國人成功將新年目標持之以恆。想開始實行2015年既目標? 就要記住成功既秘訣：淨係訂立目標唔夠架，要坐言起行！以下有9個簡單既方法，教你點樣達到一啲普遍既新年目標，例如：減肥，生活得更健康，做野更有組織，增強自信等…

1.　大份早餐，細份晚餐

想更容易管理食野既份量? 試下早餐食飽啲，而夜晚就盡量唔好食太多野。比起夜晚訓覺嗰陣要消耗晚餐既卡路里，喺日頭消耗早餐食左既卡路里會比較快架！所以將全日最豐富既一餐安排喺朝早，可以好有效咁幫你改善飲食習慣。

2.　少外食，多煮飯

好似啱啱講咁，早餐食大份啲對身體好啲。但好多人朝早都比較趕，未必有時間去準備一餐豐富既早餐。不過最好唔好買快餐做早餐呀。取而代之，你可以搵啲簡單既食譜喺屋企自己整早餐。你可以前一晚用啲健康又唔貴既材料，整定早餐，喺出門口既時候一拎就走得！你可以整下一啲三文治或者卷餅呢一類凍左都好味，同埋喺街都方便食既野。

3.　寓減肥於娛樂

好多人KEEP唔到減肥呢個新年目標，完全係因為佢地當做運動係一樣辛苦既事。要避免咁既情況，就要揀一樣你鍾意做既運動！如果你係李小龍FANS既話，可以試下學武術。或者你鍾意戶外既，不如買架單車，多啲出去探險！想同另一半一齊做運動既話，可以揀跳舞、BOXING之類近年流行情侶一齊做既運動。唔單止做到運動，重可以比多啲時間你既伴侶，一舉兩得！

4.　分階段執屋

唔想屋企亂到行步路都行唔到，但如果你又冇時間空出成日黎大掃除，咁點算好？唔使怕！其實唔一定要一次過執屋，可以將屋企或者公司分開唔同部分，逐少逐少咁執。你可以由最亂既地方執起又得，最唔亂既地方執起都得，只要係你自己鍾意既次序，就得！每次執好一個地方相信都會有好大既成功感，咁就可以令你有動力繼續執落去。

5.　放空一下

有冇諗過點解沖涼既時候會易啲諗到好橋？因為沖涼係一日入面，唯一幾個唔使點用腦既時間！當你專注喺機械式同埋冇意識既沖涼動作既時候，你個腦會利用呢幾分鐘寶貴既時間黎重新開機。所以你會偶然靈機一動，諗到一啲平時用腦過度既時候諗唔到既野。所以搵啲方法令自己就算唔係沖緊涼，都可以放鬆一下係好重要架。根據研究，就算每日靜坐冥想5分鐘，都可以提高你既做野效率。

6.　由小事開始，嘗試冒險

無論你想事業定係愛情更進一步，其實唔使冒好大險。你可以由啲比較細，同埋可以預測到風險既事開始，脫離自己平日既慣例。例如開會既時候多啲發言；同本來唔熟既同事傾下計；同朋友一齊試下新餐廳。當你更有自信，就會更大膽同有冒險精神。

7.　學習獨處

其中一個令生活更完滿既秘密係要享受獨處。與其週末淨係用黎訓覺，個個星期六晚都同朋友出街，不如試下耐唔耐同自己過啲有質素既獨處時間！去屋企附近散下步，睇一本新書，發掘一個新興趣（可以好似摺紙或者砌圖咁簡單既興趣），都係唔錯既選擇。

8.　同朋友／親人保持聯絡

想重新同舊朋友或者唔熟既親戚聯絡返? 科技可以幫到你！想同佢地聯絡返，其實唔使寫封好長既信架。只要喺你得閒啲既時候，sd一句sms或者whatsapp：「hi，最近點呀?」；或者share一段你喺facebook見到既搞笑片就夠架啦。

9.　即刻戒煙！

雖然戒煙係好困難，但你未來既健康絕對比一時既滿足感重要。覺得自己冇咩動力戒煙既話，可以想像一下，你未來幾十年既人生如果都係比呢一支少少既煙控制住，會係點樣。如果唔鍾意咁既未來，你就會堅持落去！

————

無論你既目標係減肥，或者改善人際關係都好，都唔好再搵藉口，應該立刻行動，為你既生活帶黎正面既改變。更好既生活習慣會帶黎好多好處。唔止可以提高你既自信心，更可以增加效率。而健健康康（特別係生理上），係減低醫療保險保費既最好辦法。你既未來就喺你手中，由今日開始改善你既生活習慣啦！

想知道更多改善你生活既方法，記住上MoneyHero blog，留意理財同儲錢既貼士。做個精明消費者，透過MoneyHero比較各種信用卡，保險 (醫療/旅遊)同私人貸款啦。