咦！數數手指，仲有唔夠兩個星期，又到端午節喇！通常都離唔開呢三樣嘢架喇 － 玩、糭、龍舟。佳節前夕，我地「糭」有你心啊，為大家預備咗三大方面嘅端午節溫馨提示，希望大家玩得盡興，食得開心：
端午海外旅遊好去處
有啲朋友可能今年想跳出香港，歡度端午節。其實正想話你哋知，唔單止香港節日氣氛濃厚，亞洲仲有其他地方都一樣咁正，有慶祝開端午節，有唔同習俗架！大家不妨考慮以下地方，今年趕唔切plan唔緊要，plan定下年都得：
中國北京
北京現代嘅端午節會令人驚奇，因為地道人會叫端午節做「女兒節」。每逢端午，街頭就有好多特色類似神符嘅朱義盛賣，搭上林林總總嘅彩色絲絨料嘅飾物大家，特別係女仔，絕對可以上京感受下。
台灣
台灣嘅端午節有個特別地方，如果大家有機會去開嗰邊過節，千萬記住喺正日端午節中午，飲一飲「午時水」。其實，顧名思義，就係正午飲水。據台灣人講，端午節中午係全年陽氣最勁嘅時間，個刻飲水就會身壯力健。
日本
日本嘅端午節同其他地區唔同，來得早啲，逢西曆5月5號！同北京相反，日本端午節變作做男仔嘅節日。有一樣嘢一定能夠餵飽大家嘅相機，就係家家戶戶嘅七彩鯉魚旗喇！掛住鯉魚旗，聽講話可以保佑家中男丁健康成長！
南韓
南韓嘅端午節，又叫做「水瀨日」。節日當日，南韓人會食一啲特色糕點，大家有機會去嗰度應節，記住試下一種叫車輪餅糕，飲下茶。另外街上可以見到人跳板舞，同埋特別多人盪鞦韆，幾得意！不過，順帶一提，大家呢排要留意南韓新沙士嘅疫情，覺得太危險就唔好去住喇！截止小編停筆為止，當地最新確診人數已逾87宗。
如果大家真係有意離開香港過端午節，出發前緊握時間買份旅遊保險，有時間就考慮下MSIG，ACE，FWD同豐隆保險！
喂喂！食糭咪食滯啊！
端午節點都要食下糭應節。不過，為左大家健康著想，小編都要長氣提你地一次，食糭唔好食過龍，留意以下幾項喇：
- 一隻糭等同兩碗半白飯，超過600卡路里
- 要消耗一隻糭嘅熱量，要慢跑翻個半鐘；或行路3個鐘；或踩單車3個鐘
- 每一餐都限住自己食最多一隻糭，期間要多飲水
- 食糭要細細啖，以減少胃酸過多、腹部脹氣等不適
- 食完糭，要食多啲菜同水果，確保攝取足夠纖維
- 食過量嘅糭好大可能誘發三高問題（高血壓，高血脂，高血糖）
- 慢性病患者如糖尿病人要特別留意，少食甜糭為妙
- 留意糭嘅種類同成分，素糭比肉粽更健康；五花腩包糭，脂肪較高。
加多句喇，各位朋友如果太忙包唔切糭，又或者唔想自己包到手軟，唔駛擔心啊！因為呢個端午節，美心集團同所有匯豐信用卡（包括匯豐Visa Signature卡、匯豐金卡同埋匯豐白金Visa卡）體貼到大家嘅需要！即日起至2015年6月15號，喺美心買糭，原汁原味嘅家鄉糭又好，新鮮感十足嘅「冰糭」又好，用匯豐信用卡就可以享有7折優惠喇！逢星期五、六、日黎買，另外仲有額外95折優惠！今年大家都有口福了。
唔扒龍舟，都去睇下喇！
端午節最熱血的部分莫過於龍舟賽事！唔想坐喺電視機前睇？當然可以去到現場感受下喇！以小編所知，最大型嘅龍舟賽事，應該係已經有39年歷史，入場全免嘅 –
「香港國際龍舟邀請賽」
日期： 2015年7月3至5日號
地點： 九龍尖沙咀東維多利亞港
另外，其實成個6月，全港九新界同離島，都有唔同機構舉辦嘅龍舟賽事，放便到大家住唔同區架！大家可以上一上香港旅遊發展局嘅官方網站 ，就會搵到各個賽事嘅資訊！快啲一齊參與呢個龍舟嘉年華喇！
喺度預祝大家端午節快樂！
——
即上MoneyHero.com.hk，瀏覽更多金融產品（例如按揭、醫療保險、旅遊保險、信用卡、私人貸款）有關既資料！想知多啲慳錢貼士同理財建議，就要留意MoneyHero blog，同埋緊貼MoneyHero facebook page!
回到文章
