物業陷阱大起底(一) 釘契樓

樓宇種類有好多種，剛建成嘅一手樓，就當然無太大問題，但如果係二手嘅，大家買之前就務必要留意單位的隱藏陷阱！之前MoneyHero就同大家介紹過凶宅，今次想同大家介紹一下咩野係釘契？

簡單來說，釘契的意思係指業主行為觸犯物業法團條例又或其本身正牽涉法律訴訟事項，呢啲嘅「事項」就會登記在土地註冊處。以下同大家講下兩大最常見被釘契的範疇。第一範疇是，違反大廈公契，又或是業主立案法團既規定。即例如遲遲未交管理費，大廈屋苑列明不准養狗但業主卻私自飼養等等;又例如違犯建築物條例僭建令，危樓、危險渠務令、斜坡令以及拖欠政府費用等。

事前做足功課認清樓宇陷阱

除咗同大廈法團有關嘅違約事項，第二最常見被釘契的範疇，就是賣家自身問題。例如欠下銀行、財務公司、管理公司或其他私人債務而被債權人循法律途徑追討及凍結資產等等人仕。

所以買家在簽約前，必須委託律師或地產代理查冊確定物業是否有釘契。買家也可以在買賣合約中註明業主須要先清還債項及解除於土地註冊處登記的釘契事項; 至於訂金方面，就可以交由賣方律師暫時託管直至確定該物業没有被釘契。其實被釘契的產權仍可自由買賣，但新買家購入被釘契的產權後，就要負上有關嘅法律責任喇，所以大家買樓前要切記小心細閱條文！

大家如果想再知道更多資料，可以自到土地註冊處金鐘客戶服務中心，新界區則到該署轄下三間查冊中心查閱土地紀錄。查閱土地登記冊物業現時詳情，費用10元；查閱過去及現時詳情，費用25元。

網頁: http://www.landreg.gov.hk/tc/contact/contact.htm