打工仔為賺錢日日喺辦公室搏命，十個有八個都會被 辦公室痛症 纏身。痛症一旦發作，涉及嘅醫療費用都唔少，所以醫療保險真係唔少得！唔好以為周末瞓返覺好嘅，就可以讓身體復原啊！

其實良好嘅辦公室環境加上定時拉筋，唔單止讓你可以有番健康嘅身體，仲可以讓你保持精神奕奕，加強工作效率，到時做嘢快咗，OT又少咗，真係一舉多得！就等MoneyHero.com.hk為大家網羅辦公室健康佈置貼士，等大家可以保持健康身體，繼續為事業搏殺！

腰、頸、肩、背處處痛？You are not alone

據香港大學調查發現，有9成在職人士在過去一年，喺腰、頸、肩、背等部位最少5次感到痛楚及活動不靈（令人好奇嘅係剩返嗰1成在職人士到底返乜嘢工呢？）。但你唔好以為肌肉痛好少事，其實有可能因為長期施壓，而令關節退化，導致關節神經痛，更有可以影響脊椎甚至器官健康！

當你長期前傾在枱頭工作，頸以致脊椎都有機會出問題，從而影響器官健康，例如：

第1、2節胸椎神經會影響心臟；

第3、4節胸椎神經會影響肺部；

第5至7節胸椎神經會影響胃部；

第9至11節胸椎神經就會影響腎部。

唔想因為工作太投入而失去健康呢個最重要嘅財富，就要記住以下辦公室布置貼士：

1）向無靠背椅子Say No

無靠背椅子會令你脊椎及腰部受力，令你由腰一直到頸都會受壓，後果可以好嚴重！所以記住要坐有靠背嘅椅子，同時時刻記住背部同臀部自然靠椅背！

2）Keyboard Mouse一樣高

你嘅Keyboard同Mouse會唔會一高一低？如果有嘅話，一定有啲嘢出錯！其實雙手在用電腦時，前臂應成90度彎曲，所以Keyboard同Mouse應該一樣高，否則你慢慢就會發覺單邊手痛及麻痺，原因當然係用力不平均啦！

3）屏幕在視平線

所謂視平線，當然係講緊坐低時挺直腰嘅視平線啦！而家好多人都會用Notebook工作，要屏幕在視平線有啲難度。但其實你可以選擇將Notebook升高，然後再外置Keyboard工作。嫌麻煩嗎？你諗下自己一日對住電腦幾乎10個鐘，傷咗條頸睇醫生咪仲煩，啱唔啱？

延伸閱讀：醫療保險小知識：終身 續保 有幾重要？

4）屏幕不要放太遠

打工仔嘅屏幕鍾意放到好遠，可能係因為遵守媽媽細個教落嘅護眼貼士──幾乎每個人，細個都俾人話過，唔好咁近睇電視啦！但其實工作時嘅屏幕放太遠，你會個頭愈傾愈前，搞到眼又唔好，頸又痛。所以屏幕唔好放太遠喇！

5）記住3個90度

要時刻保持正確姿勢，其實記住3個90度就可以：腰臀90度、前臂90度、腳板地板90度。當中最易忽略嘅就係腳板同地板嘅90度喇。但你試下坐喺度收埋隻腳？係唔係Feel到腰部受壓呢？所以時刻記住正確姿勢，你就能更健康地工作搏殺啦！

最後提示一下，好多時辦工室痛症所引發起的病患，都會好長手尾，隨時涉及額外醫療費用。所謂未雨綢繆，大家好應該趁年輕健康時買份醫療保險，保費又平啲，保障又多啲！想知道更多醫療保險資訊嗎？可即上我哋嘅比較平台。

——

延伸閱讀：購買 醫療保 可獲高達$1,500惠康/Starbucks現金券！

想知多啲慳錢貼士同理財建議，就要留意MoneyHero.com.hk blog，同埋緊貼MoneyHero.com.hk facebook page！