按揭都可儲里數：免費飛多轉歐洲

平時講開儲里數，大家都會諗到要用信用卡簽賬購物，不過唔講唔知，原來借按揭都可以儲里數！渣打銀行於早前就推出按揭「亞洲萬里通」里數獎賞，無論係申請、批核定提取按揭都有得賺里數，最適合準備置業結婚嘅新人！等我哋立即睇睇究竟呢個優惠有幾筍！

而家向渣打銀行申請按揭貸款，只要貸款金額滿HK$1,000,000或以上，而你有交齊所需文件，就即時可獲4,000「亞洲萬里通」里數，或者HK$400超市禮券。當你嘅按揭貸款申請經渣打正式批核，就可以賺到10,000里數或HK$800超市禮券。就咁一計，你已經賺咗14,000里！

渣打會再按你所借嘅按揭金額每HK$100,000送多你10,000里！假設你做HK$3,000,000按揭，就可以輕易賺到300,000里！仲有，你可以選擇淨係要「亞洲萬里通」里數，亦可以揀要里數加回贈作獎賞，因為呢個優惠係按HK$100,000為單位計算，貸款金額尾數會送番最高1%現金回贈俾你。例如你做HK$3,440,000按揭，你可選以頭嗰HK$3,400,000賺取340,000里數，而剩餘嘅HK$40,000就賺1%現金回贈，即係額外有HK$400！

其實一個人坐商務客位去羅馬/倫敦/蘇黎世都只係要120,000里數啫。有咁多里數，都夠你換2張來回機票，再加上「亞洲萬里通」嘅來回獎勵機票俾你喺行程作Stop-over同Open Jaw，想遊歐洲度蜜月絕對不成問題！（唔知乜嘢叫Stop-over同Open Jaw？即睇：儲里數 /換機票10大常見問題）

唔想要飛行里數，你亦可以選擇淨係要現金回贈方式賺獎賞，不過做HK$3,000,000按揭賺1%回贈都只係HK$30,000，似乎都係賺里數抵好多！

買樓仲送埋飛行里數咁著數，大家有興趣就要快手喇！因為呢個優惠只係做到2016年6月30日，而且名額有限，先到先得，正準備申請按揭嘅朋友萬勿錯過！了解更多優惠詳情可按此。

仲有提提大家，近期因為銀行減息戰，好多人都考慮做轉按。據了解，以上呢個按揭賺里數優惠，係連做轉按都可以架！（想了解更多關於轉按，即睇：減息戰再現！轉按是時候？）更多按揭比較，可即上我們的比較平台。

想更快賺夠里數，梗係要配合埋渣打亞洲萬里通萬達卡啦！而家喺迎新期頭2個月內，首$7,500消費都會有簽$1送2里數優惠，咁計一共已賺到15,000里數！想知更多，立即睇埋我哋嘅：渣打Asia Miles 信用卡攻略！