好多fresh grad 既職場新鮮人同年輕人成日都會有一個問題，就係到底轉得工多，會唔會影響未來僱主對自己既印象，令自己變相更加難搵工？同埋，對於一d 做左好短時間既工，我地又應唔應該寫佢地落CV/Resume 度呢？今日MoneyHero 綜合唔同人力資源顧問既意見，為你逐一解答轉工疑慮！
點解好多老闆／HR 唔中意轉工太多既求職者？
其實係現今社會，職場對於轉工既睇法已經唔同左好多, 係外國，甚至有研究指一般人一生中應該至少做10份工，唔可以打死一份工。不過，香港社會始終比較保守，好多老闆同人力資源管理都會覺得轉工太多既求職者：
－對公司無歸屬感
－無責任心
－騎牛搵馬
－對工作無承擔
諸如此類。不過，老實d 黎講，轉工／俾其他公司獵頭真係最快加人工既途徑（一d 專業工／政府工就例外啦）。咁到底我地應該點拿捏轉工既次數，同埋有咩野地方係轉工時需要注意既呢？
轉工次數有限額？
一般黎講，到底轉工有無一個明確既次數限額呢？招聘顧問Robert Half在加拿大進行調查，訪問了300名人力資源經理，其中一條問題為：「以十年為期限，你認為轉工多少次才算頻密？」，結果得出的答案平均為6次，即大約1.67年轉工一次便會被視為經常轉工。＊ 不過，只要你既每一份工唔係經常性地做得少過1年，相信好多僱主都會理解既。
畢業生轉工需知
好多大學生係畢業時都會有個好大既問號，就係唔知自己到底想做咩工，或者唔知自己適唔適合做，畢竟香港大部分既畢業生都唔係專科出身，出黎就係醫生律師護士之類。所以，對於畢業生黎講，頭一年轉既工比較多係絕對無問題既，只係有兩點需要注意： 一，唔適合自己既最好係試用期內就走，唔好好似做半年先走咁半天吊，咁樣顧主會諗點解份工唔岩你你都可以做半年咁耐。二，轉工要係由一個工種轉去另一個工種，例如由Marketing 轉去PR 咁，咁樣顧主先會覺得你真係探索緊自己想做咩工，而唔係覺得你無歸屬感。例如你如果係由A 公司既MT 轉左去做B 公司既MT, 所有人都會覺得你係為人工而轉／ 對公司無責任感。
做得短既工應唔應該放落CV 度？
其實係可以放既。雖然你既工做得唔長，但你都總會係裡面有所得著。所以，大家不妨輕輕加一句落CV，等顧主有個印象覺得你有多方面知識，對唔同既工作崗位有所了解。不過，大家就不宜長篇大論講自己係份工有咩得著啦，咁樣反而會減低左說服力。
所有，總括而言，大家其實都唔需要擔心成日轉工會影響自己既前途。因為只要你有理據說服僱主你轉工唔係因為上面講既負面理由，僱主大部分都會明白既！
希望呢篇post 幫到大家啦！MoneyHero, 香港最公正金融產品比較平台。立即前往： www.moneyhero.com.hk
參考資料：
http://hk.jobsdb.com/en-hk/articles/%E7%B6%93%E5%B8%B8%E8%BD%89%E5%B7%A5%EF%BC%8C%E5%9A%87%E6%80%95%E5%83%B1%E4%B8%BB%EF%BC%9F
回到文章
