香港地打工仔生活向來都甚艱難，薪金升幅從來都係追唔上物價升幅，唔慳錢，點生活？之但係咁，慳錢並非慘絕人寰嘅，識得用以下5大 慳錢 Apps ，慳錢都可以成為一種樂趣。究竟乜Apps咁巴閉？馬上去片！
1）The Entertainer：買一送一全攻略
介紹：The Entertainer集合超過270間商店嘅買一送一優惠 ，優惠種類過千種。商店多元化，餐飲食肆、美容健身、娛樂場所等等。用家只需要喺App裏面選擇你身處嘅消費地區，App就會自動幫你篩選出附近做緊買一送一推廣既店鋪。
實用之處：優惠按地區分類得井井有條；每個月都會更新商店。出現喺App嘅優惠一定7日內有效。
2）HK1Mall：商場優惠全接觸
介紹：HK1Mall提供香港各大小商場嘅購物、泊車獎賞最新資訊。要了解香港、九龍、新界各區商場全方位嘅優惠獎賞，只需要呢個App就夠。
實用之處：想Shopping未必一定去大型高級連鎖店，正好呢個App都幾貼地，提供埋平價商場嘅全面優惠，例如：西九龍中心！本身呢度嘅物格都相對划算，有埋呢個App幫手，消費真係抵到冇朋友！最精明消費者仲唔係你？
3）7-FANS：7-11購物必備
介紹：用呢個App，喺香港嘅任何一間7-11消費滿$5，即可賺取1分獎賞。累積分數可以用嚟換7-11禮品。除此之外，你仲可以喺7-11增值你嘅7-FANS電子包，用於7-11購物付款。
實用之處：一個App就可以同時做到3樣嘢：儲分、付款、換禮品/Coupon。
4）Storellet：出街食飯幫你慳
介紹：喺Storellet指定食肆消費後，只需要掃一下收據上面嘅QR Code，就可以儲積分。積分會歸入「Storellet HK Loyalty」，儲夠一定分數，就可以兌換電子優惠劵。下次幫襯相關指定餐廳，優惠劵又可以用嚟埋單。
實用之處：儲分非常簡單方便，掃一下單據上嘅QR Code就可以了。指定食肆有幾間都係快餐，如KFC、PHD薄餅博士都在指定食肆名單內。快餐店嘅優惠，生活節奏咁急促嘅香港人總會用得著。
5）Gaifong：以租借代替購買
介紹：一站式物品租賃平台，你可以隨時隨地向附近用戶租借物品，例如攝影器材、戶外旅行用品等，用完即還。只需要3個步驟就可以享用租借物品服務。首先，選擇心儀物品後，向物主送出徵求。然後，等待物主確認後，雙方可直接對話，以約定提取物品的地點、時間。最後，取物品時，將租金及按金直接交俾物主。物主會於物品歸還時退返按金俾你。
實用之處：生活上好多用品都未必需要長期用到，有時特登買樣新嘅，用一次兩次又放喺屋企封塵，嘥錢又嘥位。倒不如租借啦！用完就還，唔使煩。
相關閱讀：慳錢慳位借物平台： Gaifong 創辦人梁懷宇訪問
——
延伸閱讀：炎炎夏日：家居10招幫你慳 電費
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
回到文章
