【日本 | BLOG】港人必讀的日本居酒屋禮儀潛規則

到日本旅遊要感受在地小酌文化，體會日本人民日常生活，必定會到居酒屋親身感受，其實日本的居酒屋亦有一些小規矩和文化，大家記住要注意，千祈唔好失禮。

先點酒，再點餐

日本人放工休息時間未想返屋企，都會去居酒屋消遣一下，居酒屋除了可以點酒之外，仲有餐點提供。走進居酒屋，店員會立刻前來熱情的為客人引導座位。入座後，店員為客人遞上冰水和小毛巾（おしぼりOshibori）。這種潔白濕潤的小毛巾，供客人擦手。有些店家還配合季節變化，冬天熱毛巾，夏天冰毛巾，為客人提供貼心服務。通常，在點菜之前，店員會先來詢問客人所要的飲品。擺放在餐桌上的菜單裡有啤酒、日本酒、燒酎、各類沙瓦（サワ一sawa)以及清涼飲料等種類，可根據喜好選擇。

伴酒小食是按人數收費

點過飲料之後，店員會端上來一小碟（碗）小菜，叫做「お通し」(Otoushi) 」。一般收費400-500yen。這是居酒屋待客的一種傳統習慣。無論你食唔食，都是必需收費的，請入鄉隨俗吧。

座位編排及碰杯都講輩分

與上司或長輩去到居酒屋時候，日本嘅文化係越高輩分坐得越入，離門口越遠，另外日本人碰杯嘅時候都係輩分高嘅人會高啲，年輕或者下屬低D，反映返輩分嘅高低。

倒酒都要注意

日本人係唔會幫自己倒酒嘅，而係會觀察大家個杯互相幫忙倒酒。倒酒時要將酒樽個label向上畀對方見到；而有人幫你倒酒嘅時候手要放杯底，然後微微傾斜已表謝意。

NO TIPS！唔使俾貼士

雖然好多外國嘅國家，食飯嘅時候都要俾貼士，但係日本係冇呢一項嘅要求，如果你俾貼士反而會令到日本人覺得你唔尊重佢。

結帳方式

結帳方式會根據每間舖頭都會略有不同，有啲店面會喺餐桌上付錢，亦有啲店要拿住菜單到結算處付款，如果有唔清楚嘅地方，可以現場請教店員。

部份居酒屋禁止小童入內

居酒屋係飲酒嘅地方，所以部份嘅店舖都會不招待小孩及拒絕讓小朋友入內，帶住小朋友既家庭入居酒屋前可以向店員查詢或者網上再了解一下，緊記喺日本要20歲或以上先可以合法飲酒，大家要留意。