建立你的被動收入達成財務自由！人人都想提早退休，咁應該要點樣準備？2大要點：工作+投資

近年相信大家都對財務自由、提早退休都應該聽唔少。財務自由相信是絕大部份打工仔嘅人生目標之一，咁其實我哋應該要點樣去達成呢個目標？，盡早建立你自己嘅被動收入。被動收入？上一代可能會話你知係買樓收租，最好可以一個攞嚟住，一個攞嚟收租/炒。冇錯，過去幾十年香港樓市起飛，的確造就了不少千萬富翁！不過，面對目前狀況，似乎買樓收租唔係一個最好嘅選擇。

擁有幾多錢先可以退休？

Financial Independence，Retire Early。『FIRE』係近年新興嘅一種理財概念。幾多錢先可以提早退休？最簡單嘅計算方法可以係你自己每年消費開支嘅25倍。有意成為FIRE理族嘅你，以下兩大貼地行動值得各位讀者留意。文章沒有任何速成方法或者會令你失望，皆因財不入急門，財富要透過時間慢慢累積而成。

積極建立被動收入 努力工作

被動收入，即係你躺平唔使上班已經可以有足夠嘅生活費支持日常開支！引用股神旨意「If you don’t find a way to make money while you sleep, you will work until you die.」。點先可以建立自己嘅被動收入？一般可以係收租、股票收息、存款收息、年金等等。被動收入都係需要播種等收成。當然大家未足夠嘅被動收入前，第一步當然是要努力工作，賺取主動收入！主動收入即係你用時間、技能去換取嘅金錢回報。人嘅時間有限、能力也有限，所以主動收入總會有個Cap位！趁年輕時努力工作，但別忘記Work Life Balance，成功嘅人付出嘅努力比大家想像中更多，前期嘅投入大家可能睇唔到。

別讓通脹蠶食你的本金 Stay Invested

主動收入係我哋賺取嘅種子，我哋可以將種子放喺各式各樣嘅投資產品上。基於通脹嘅關係，千祈唔好拎現金擺喺度咩都唔做，最少都做吓定期瓜？唔做定期都可以揀啲高息活期丫？今時今日年輕一代上車可能唔太容易，咁你未上到車之前咪投資先(甚至唔一定要上車)。

投資啲乜？指數基金ETF已經足夠。一般人如果唔係做金融財經，都應該唔會放好多時間去研究市場狀況。月供指數基金，絕對係一個好選擇。指數基金好悶喎？即使係專業投資者、基金經理都未必可以跑贏嘅指數基金(可以Google下『巴菲特 賭局』)，何況是平凡人。不過，盈富基金又真係窄窄地嘅，多年原地踏步。睇遠啲睇開啲可以望望標準普爾500指數 S&P 500 相關嘅指數基金，例如：VOO。想再分散風險啲，可以買全餐，稔稔一啲全球指數基金，例如：VT。