大學生18歲要開乜銀行戶口、信用卡、證券戶口？邊一間銀行好、邊一張信用卡值得申請、想投資又用邊間券商？

踏入18歲，人生新一個里程碑。除咗要上莊、走堂、MidTerm、拍拖出Pool，咁樣喺理財方面又要準備啲咩？講吓18歲嘅你、作為大學生嘅你應該點樣揀？申請邊一間銀行戶口、申請邊一張信用卡、用邊一間券商投資好呢？以下提供一些選擇方向比大家！ 

傳統銀行定虛擬銀行？ Why not both?

現時香港主流傳統銀行選擇多，客戶群大，分行亦比較多，提供嘅理財服務亦都比較全面！不過分行再多你又會唔會去？相信大部分都係用網上理財或者手機流動理財完成日常嘅銀行操作。甚至數字銀行都已經滿足到大家嘅需要。傳統銀行同數字銀行都各有特色，傳統銀行就唔使多講。大型嘅零售銀行好似滙豐HSBC、中銀BOC、恒生HASE等可以滿足到你全面嘅理財需要。數字銀行方面，例如渣打銀行旗下Mox或者全港首間數字銀行ZA眾安銀行等，則一般會用較高息嘅存款利率去吸引大家做存款。不過Why not both? 小朋友先做選擇。傳統銀行同數字銀行都可以開定一兩間，已備不時之需！ 

信用卡又應該點樣揀？年資要考慮 

市面上有各式各樣嘅信用卡，究竟申請邊一張比較好？無入息又申唔申請到信用卡？放心！中銀嘅Chill卡、滙豐嘅學生金卡、恒生嘅MMPower等都有專為大學生而設版本。只要你有一張學生證就可以申請信用卡。MMPower或者Chill卡已經滿足到你一般嘅網上購物、外幣簽帳嘅基本需求了，而且簽帳回贈絕對見人！滙豐學生金卡，就連交學費都有可觀嘅回贈，所以仲係咪需要諗咁多？咁當然市面上仲有好多選擇，初初申請一兩張冇問題，但千祈唔好一次過申請晒咁多張唔同銀行嘅信用卡，否則會令銀行覺得你好等錢使，令到你個信貸評級降低。 

互聯網券商當道，總有一間啱你！

科技發展迅速年代，互聯網券商發展一日千里，而且已經非常成熟。市面上一啲主流嘅互聯網券商，例如富途證券、老虎證券、長橋證券等等，都係典型喺香港落戶咗一段時間嘅互聯網證券交易商。現在投資金融產品好似買賣股票、基金、美國國債都已經可以喺一個App裏面搞掂！最新嘅係，甚至佢哋連Crypto（Bitcoin等）都可以合法合規定買賣了。所以啱啱踏入18歲嘅你哋想開返個證券戶口？互聯網券商絕對滿足到你嘅需要！ 

開戶前記得留意唔同迎新優惠

銀行戶口、信用卡、證券戶口的確琳琅滿目選擇非常之多，相信總會揀到適合你自己嘅。大家可以詳細睇返各金融機構嘅網頁，盡享佢哋嘅迎新優惠。

借定唔借？還得到先好借！

更多精彩內容可以前往蛋黃視野網誌發掘！喜歡❤️我地既內容👨‍🏫又想小小支持我地運作🙌，Patreon頻道已經啟動啦，可以立即Subscribe蛋黃視野Patreon。

作者盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

本網站所載的任何資訊均不構成任何投資產品之要約、要約招攬或建議，以上內容純屬個人意見及分享。閣下在作出任何投資決定前，務必先尋求獨立財務和稅務以及稅務建議。投資涉及風險。過往業績並不表示將來的回報。投資產品的價格及其收益可升亦可跌。