【一次過話你知】十一月份信用卡銀行存款最新消息

Mox Credit簽帳獎賞無上限/里

Mox Credit 重磅推出簽賬獎賞可以高達$4/里，無論係本地海外網上簽帳通通可以做到！話說Mox係11月初公佈左新嘅信用卡優惠，本地/網上消費無上限$4/里+『零』外幣交易手續費。簡單一句，對於大額簽賬嘅用戶來講係吸引嘅！如果淨係想開一張卡走天下，Mox今次真係比到你。你可以隨時揀變做無上限2%現金回贈或者無上限$4/里。一次過滿足哂大家，想草Cash Back又得，想草飛行里數都得！不過，想享受優惠係有少少要求，就係你要在碌卡前放25萬係Mox先可以享受到優惠。官方網頁。

講多少少，$4/里其實以前渣打CX卡都做過，不過限網上。依家轉左落去Mox到做，全面升級左。不論本地、海外及網上簽賬，從今開始，只要你簽得夠大額，一定要稔起Mox Credit。大額意思係起碼簽過萬，因為小額簽賬都總有其他更好選擇。

DBS Eminent卡指定簽賬5%回贈更新

DBS Eminent 全年嘅信用卡推廣都宣佈咗，下年會繼續！喺指定類別簽帳 (餐飲、健身中心、運動服飾、醫療服服) 可以有5%現金回贈。Visa可以每月簽$4000；Visa Signature可以每月簽$8000，兩張卡獨立計算。大部份嘅要求都冇變，只要每筆交易達$300以上就可以！不過要注意返醫療服務，並唔包括獸醫類別，所以唔好見到診所就走去碌啦！記得下個月(12月2日)要重新登記啦。

安信新增外幣交易手續費 八達通增值減至0.4%

安信EarnMORE信用卡 (詳細介紹) 下年嘅簽賬基本回贈，繼續維持喺1%。而究竟有冇額外嘅1%加碼回贈到目前為止都未宣佈。所以唔使咁擔心住！主要變動係八達通自動增值方面會由1%降至0.4%，不過其實影響都唔大，玩得八達通增值就應該用渣打嘅Simply Cash或者工商銀行嘅星座卡，可以有1.5%現金回贈！

另外，外幣簽賬費用方面將新增手續費。Visa卡為1.95%；銀聯卡為1%。詳情可參考安信信用卡修訂通知全文。

中銀撤消年資優惠 新增無效交易詳情

大家2024年應該太落力刷狂賞派。唔知係咪今年上半年豪爽得濟，中銀多年來嘅信用卡年資優勢下年度同大家Say Byebye，大家戶口賺到嘅積分記得今年內換埋佢啦。點樣換先至抵？一定係年資+驚喜星期五。最強可以去到160分 = 抵銷1蚊簽賬。

另外，估計大家食飯食得太瘋狂啦，變動後每月只可以食一萬蚊飯XD。Cheers卡每個曆月餐飲及旅遊簽賬可得分上限有所調整：

• Cheers VI (10X積分)。餐飲交易每月上限10萬分 (可簽$10000)，旅遊交易每月上限25萬分 (可簽$25000)，兩者合併計算每月最多可拎到30萬分。
• Cheers VS (8X積分) 調整餐飲交易至每月最多6萬分 (可簽$7500)，旅遊交易每月最多15萬分 (可簽$18750)，兩者合併計算每月最多可拎到18萬分。

最後下年度將新增無效交易條款及細則。大家可以參考返中銀變更條款及細則修訂通知全文。

借定唔借？還得到先好借！

更多精彩內容可以前往蛋黃視野網誌發掘！喜歡❤️我地既內容👨‍🏫又想小小支持我地運作🙌，Patreon頻道已經啟動啦，可以立即Subscribe蛋黃視野Patreon。

作者盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。