又到「周末筍盤推介」！近期幾個新盤都熱賣，令許多準買家都躍躍欲試。只不過，買新盤有時都要講運氣，睇完示範單位下決心入咗票，都未必一定抽中你，抽中亦未必可以揀到最合心水的單位。所以好多人就寧願在二手樓盤中選擇，慢慢睇慢慢揀；甚至會決定租住先，騎牛搵馬。今次MoneyHero就俾兩個租盤加一個賣盤大家參考下，或者當中會有你的心水？
筍盤1：淘大花園
淘大花園3B期高層2房單位
實用面積：460平方呎 租價：$14,800（包管理費、差餉、地租）
放盤備註：1 年前全新裝修，包括油漆、廚房、廁所、地磚裝修。呂字廳，高層，西南，開揚景，已交吉。放盤詳情：goo.gl/KTqwVn
淘大花園早就脫離沙士的陰影，再度成為許多買家及租客的心水選擇。因為屋苑座落淘大商場，食肆多商舖多類別之餘，又鄰近牛頭角市政街市，步行前往德福廣場及九龍灣港鐵站也相當方便。
今次業主放租的2房單位，１年前大執過，相當企理。屋苑近期租盤叫價由$30至$40一呎皆有，視乎單位質素，此盤叫價月租$14,800（呎租$32.17），算是相當實惠，相信略為講價就可成交，即租即住。
筍盤2：麗港城
麗港城高層3房單位
實用面積：748平方呎 租價：$24,000（包管理費、差餉、地租）
放盤備註： 3房 (1套房)，極高層，郵輪美景，豪裝，已交吉，即住。放盤詳情：goo.gl/J7PIdO
麗港城是香港九龍東藍田大型私人屋苑，鄰近藍田港鐵站，又有70多條巴士及小巴線途經，交通便利。背山面海，眺望維多利亞港及鯉魚門靚景。麗港城分4期共38座， 設3個購物商場、2個會所、1個公園，配套齊全。
今次呢個業主放租3房單位，叫價$24,000，呎租約$32，貼近屋苑近期成交租金呎價。一隧道之隔的將軍澳區幾個大型屋苑，同樣3房實用面積700以上的單位，租金都貼近這個價位了。然而麗港城勝在是市區樓，交通方便之餘，實用率高達8成，咁高實用率而家真係買少見少。
筍盤3：窩打老道8號
窩打老道8號1座高層H室2房單位
實用面積：442平方呎 售價：$768萬 實用呎價：$17,376
放盤備註：向東向北獅子山九龍華仁京士柏景，新鴻基樓，油尖旺校網，3分鐘油麻地港鐵站，中港過境巴士站，有泳池會所。放盤詳情：goo.gl/ztakK7
窩打老道8號簡稱「窩八」，位於油麻地窩打老道與上海街交界，鄰近果欄和廟街，位處九龍區市中心和交通樞紐。高層景觀開揚，四面遠眺維多利亞港、昂船洲、獅子山及京士柏山一帶。
業主放盤2房單位實用442平方呎，叫價768萬元。以按6成計算，月供約$19,397（分期25年，息口1.94%）。屋苑放盤量不多，所以業主叫價較進取。
（按揭貼士：Citibank同業拆息按揭還有P-3.1%的按揭利率上限，即使下半年美國開始加息，估計港元最優惠利率會保持不變一段時間。如想了解更多，請即按 >> http://tinyurl.com/qgpk8pm）
想比較多幾間按揭產品資訊，請進：https://www.moneyhero.com.hk/zh/mortgage/all
（延伸閱讀：都是樓價高漲惹的禍？港生活成本全球第二）
樓盤提供：www.hoobees.com
回到文章
