你地估下遊13個國家，搭21程頭等飛機，一共要幾多錢? 美國一個作家就話你知，係可以完全免費!
美國呢個作家Scott Keyes，靠住平日信用卡累積嘅飛行里數以及積分去換機票，免費酒店以及全程享用機場貴賓室服務，enjoy免費野飲野食。你會問，咁其實佢都有cost架，啲卡平日都要交年費? 但原來，大部分卡嘅年費都比佢waive到，至於點waive，文中就無好詳細咁講，但可以咁厲害免費遊13國，當然唔只係識waive數咁簡單啦，原來Scott Keyes仲係一個行程計劃王，呢個2個月嘅歐美遊，佢只係用咗15個鐘頭嚟plan, 最後左計右計，用咗儲落嘅13.65萬英里數成功換咗21張頭等艙機票以及免費住宿，最後成個旅程只係額外再花咗幾蚊美金。
喺呢個2個月嘅行程，佢去咗多個歐美國家，如德國、捷克、烏克蘭、保加利亞等等。其實呢位作家嘅個案，香港都有好多，只要你識玩信用卡儲分就可以。但大家出發地方如果係由亞洲去歐洲嘅，玩法其實已經唔同，個成本其實已經高咗好多。另外，佢自由工作者身份就好大程度令佢少咗好多時間上嘅限制，例如旅遊淡旺季，廉航出發時間等等因素。他亦都曾經出過2本書「How To Fly For Free」 「 How To Find Cheap Flights.」教人如何窮遊全世界，佢認為：「如果你的目標是盡量找到最便宜的機票，就不要限制地點，只要有便宜機票就飛去。」但都係嗰句啦，你要成功申請到信用卡同埋你係自由工作者先可以做到。
-----
想要更多資訊? 即上MoneyHero.com.hk，瀏覽更多金融產品（例如按揭、醫療保險、旅遊保險、信用卡、私人貸款）有關既資料！想知多啲慳錢貼士同理財建議，就要留意MoneyHero blog，同埋緊貼MoneyHero facebook page!
回到文章
