糖尿病 係香港十分普遍嘅疾病。大家可能覺得食得太多糖，咪有 糖尿病 囉！但你又知唔知，原來 糖尿病 唔一定同攝入糖份份量有關係？原來無糖食物，其實都有機會惡化 糖尿病 情？有 糖尿病 又買唔買到醫療保險呢？就等 MoneyHero.com.hk 同大家分享關於 糖尿病 嘅二三事啦！
1）食得糖多，先有 糖尿病 ？
當然唔係。 糖尿病 分一型同二型，都係因為胰島素不足，二型 糖尿病 多數來自遺傳、不良飲食同缺乏運動，患者多數係中年以上，但一型 糖尿病 就係因為製造胰島素嘅細胞受破壞，製造唔到胰島素而令血糖升高，患者多數由年輕時開始發作。換言之，兩類糖尿病都唔一定因為食得太多糖。順帶一提，香港有九成嘅糖尿病患者都係二型糖尿！
2）無糖就食得？其實要睇升糖指數！
有糖尿病嘅人，自然會想留意多啲無糖食物。但其實糖尿病患者更應該關注嘅，應該係食物嘅升糖指數，這指數反映了食物進食後2小時血糖上升嘅幅度，關乎不同碳水化合物轉化為葡萄糖嘅速度。所以即使食物本身係無糖，亦都有可能有較高嘅升糖指數，影響糖尿病病情。
就以粉麵類為例，粉絲、意粉、通心粉、全蛋麵等升糖指數較低，烏冬就中等，而普通小麥麵條升糖指數就有70或以上。
3）點解糖尿病人要隨身帶幾粒糖？
明明血糖已經過高，點解醫生仲會要求糖尿病人隨身帶糖？其實當進食太少食物、用餐延誤、服食過量降血糖藥物同注射過量胰島素，都有機會令糖尿病人血糖過低，所以佢哋要帶住幾粒糖，以備不時之需。
4）點解糖尿病人要特別關注足部護理？
糖尿病會令神經功能退化，影響血管功能，令到血液循環減慢，加上腳汗嘅葡萄糖提供細菌良好嘅繁殖環境，令患者足部容易受感染，傷口難以癒合，情況嚴重嘅話仲可能要截肢。
糖尿病患者的足部護理方法：
——天氣乾燥，就應該搽潤膚膏，以防皮膚爆拆。
——盡量多著密頭鞋，保護雙腳。
——每日用溫水同潔膚液洗腳，但就唔好用刷做清潔喇！
——著襪可以吸汗，同減少腳部與鞋磨擦，所以最好日日著啦。
5）糖尿病的治療費用
糖尿病係慢性疾病，患者需要長期見醫生，服用降血糖藥或胰島素等，但呢啲都唔係最大的開支。糖尿病好易令患者出現血管問題，如果細胞內血糖不足，就會令患者抵抗力減低。同時嚴重嘅糖尿病亦會引發許多併發症，這些可能出現嘅問題，都令糖尿病患者有風險承受巨額嘅醫療開支。
6）購買醫療保險的可能性
為免承擔巨額醫療開支，糖尿病患者可能會想購買一份 醫療保險，但其實糖尿病患者係極難買到一份全面嘅醫療保險。如果要買，必需先空腹驗血同驗小便，保險公司再根據糖尿病嘅病情同類型、有沒有併發症以及家族糖尿病史等來決定是否受保，而即使受保，通常都需要加額外附加費（Loading）。
所以，如果你家族係有糖尿病史，或者你屬於糖尿病高風險人士，除咗保持健康生活習慣、定期驗身外，最好就係未有糖尿病前購買定醫療保險，以保障你日後的醫療開支喇。
——
延伸閱讀：濕疹 ：3大成因與3大食療
延伸閱讀：醫療保險小知識：終身 續保 有幾重要？
任何病患都應及早預防，MoneyHero.com.hk 重視你健康，幫你即時比較醫療保障計劃，為將來買個安心。詳情請 按此。
回到文章
