HIBOR 激升，買樓應選擇H按定P按？

隨著港幣匯率波動， HIBOR 最近劇升，以 HIBOR 為基數的H按按揭利率已经同P計劃非常貼近。如果而家入市買樓上車，應該選用H按定P按好？等MoneyHero同大家分析一下。

近期港幣匯率波動， HIBOR 劇升，一個月 HIBOR 由大約0.26%一路升到最近0.39%（2016年1月26日數字），以 HIBOR 為基數的H按按揭利率隨著升高至約2.09%（H+1.7%），已經同P計劃2.15%（P-3.1%）非常貼近。以按揭金額$240萬，還款期25年計算，按揭還款支出由$10,126上升至$10,278，做緊H按按揭的供樓支出多出約$150。

既然H按波動劇烈，現在買樓的話，選擇P按是否更好？

比較P按利率與H按封頂

但由於H按一般有封頂，雖每家銀行的H Plan封頂都不同（由P-3.1%到P-2.15不等），但都算有保障。假設按揭利率繼續上升，而封頂為P-3.1%（即2.15%），都係同現時P按利率看齊。

但由於每家銀行P按不同，部分銀行的P按不能做到與H按封頂一致。例如某銀行P按最低為P-2.15%，而H按封頂為P-2%，當H按繼續上升時，有機會H按高過P按，因此仔細比較銀行的P按利率與H按封頂非常重要。

選擇定息按揭？

此外，當市場按揭利率開始波動時，不少人會開始考慮定息按揭。目前市場還未太多人選用定息按揭，其市佔率不到2%。

以Citibank推出的定息按揭為例，做緊為期3年的3.5%利率，對比P按2.15%（P-3.1%）高出1.35%，按揭每月支出高$1,000餘（以按揭金額$240萬，還款期25年計算）。加上P按的變動穩定，由08年金融危機後期一直維持5%至5.25%，因此不少尋求穩定按揭供款的人士依然會選擇P按而非定息按揭。

（按揭貼士：Citibank同業拆息按揭還有P-3.1%的按揭利率上限，雖然美國已經加息，估計港元最優惠利率會保持不變一段時間。如想了解更多，請即按 >> http://tinyurl.com/qgpk8pm）

想比較按揭產品資訊，請進：