臨近年尾，網購特別多優惠！外國喺十一月就有cyber Monday，淘寶（同埋香港某啲網）就有雙十一扣折。但如果你走左雞，都唔使怕！因為就算過左聖誕，都有好多好抵既新年優惠架。大家準備好信用卡，睇下以下呢啲網站有啲咩超抵優惠啦！
亞馬遜12日勁減
亞馬遜（Amazon.com）呢個12日勁減（12 Days of Deals）玩食字，學聖誕歌「12 Days of Christmas」，減價減足12日，每日都有限時搶購既產品！除左家居用品，重有電子產品。例如買Nikon D5200 DSLR 數碼單鏡反光相機套裝咁，相機連兩個鏡頭，竟然可以平成$420美金（約港幣$3200)！計埋運費都重平香港一大截，真係抵到你唔信！除此之外，男士用品例如錶、皮鞋、手巾仔，最多可以平成美金$100（約港幣$780）。
NewEgg
NewEgg喺香港唔算太出名，但如果係電腦發燒友，應該都知道佢喺外國好出名，專賣電腦硬件，特別係適合打機用既高檔次零件。同時，NewEgg都有賣其他產品，例如運動用品、個人護理產品同珠寶手飾。如果你有電腦零件想買，去NewEgg就冇錯啦！因為佢地基本上每日都有指定産品既折扣架。如果想要更多優惠，就要留意住佢地既限時折扣，因為會減得重多！
連卡佛
宜家喺連卡佛網頁足不出戶就可以用優惠價買到各個計設師品牌，最緊要唔使同人迫呀嘛！除左男女裝時裝之外，重有家居產品，甚至奢華產品，例如VERTU既電話都可以上網買！宜家網頁做緊一個叫Happy Sale既優惠，最低５折架。
BKRM
BKRM 係一個新既香港時裝網購平台，同Zalora既形式好相似。唔同既係，佢唔止寄香港免運費，免費退貨，重第2日就收到！網頁有男裝同女裝既衫同埋飾物。宜家佢地做緊聖誕優惠，只要輸入優惠碼：JOLLYXMAS20，就可以全單８折！錯過左聖誕優惠都唔緊要，因為BKRM有一個減價專區，入面既野由９折到半價。
The Melez
The Melez係另一個香港既時裝網購平台，但係佢就專賣女裝。佢地宜家做緊聖誕優惠，有啲產品竟然去到15折！當中唔少係名牌野，例如有Anna Siu既裙由$790減到$213，真係好抵！同BKRM一樣，The Melez都有一個減價專區，全年都可以既入面買到特價野。例如小編就見到入面啲裙由$99減到去$30！
————
回到文章
