BB旅遊備忘錄！

IQ題，有乜職業，係勞動節都要勞動？

無錯就係做人父母喇！尤其有BB要湊嘅，簡直係全天候隨傳隨到，仲慘過做廣告。不過，做得父母，其實都心甘命抵啦。

趁著假期，父母們可能正在籌備同心肝寶貝嘅第一次旅行，但要帶BB去旅行，需要什麼特別準備，你地可能唔多清楚喎。MoneyHero特別同經驗媽媽收足料，整理出以下嘅BB旅遊備忘錄，等大家去到外地唔駛手忙腳亂，可以用多啲時間享受假期！

1/ 要帶BB習慣嘅飲用水！

依點最重要，BB腸胃好敏感，記住要帶備平時飲用嘅水畀BB，避免BB水土不服！同埋記住啲水要寄艙啊！

2/ 平安藥

出發前，要去家庭醫生度拎定啲平安藥旁身！

3/ 準備BB旅遊證件

BB外遊需要證件包括護照同兒童身份證，如果係香港人，就可以向香港入境事務處申請，但要記住，出生翌日起至第42日的新生嬰兒，要交嘅資料係唔同嫁，大家可以去依度睇下：http://goo.gl/15hPsN

4/ 告訴航空公司有BB同行

起飛前兩、三日，要打電話畀航空公司櫃檯確認機位並註明兩程飛機都有嬰兒同行，並詢問機上有什麼用品提供，咁就唔駛自己帶啦！（好多航空公司都會提供合尺寸嘅尿片、嬰兒副食品、玩具等）

5/ 轉機可用BB車嗎？

check in時，要問下轉機時可唔可以用BB車。可以嘅話，BB車就唔駛寄艙，轉機時將BB車推到空橋，你登機後就會被收走入好，放上飛機，落機後就會有得用嫁喇！

如果唔可以用，咁要同航空公司櫃檯聯絡，話「轉機時需地勤支援」就可以喇。

6/ 留意BB耳鳴問題

大人坐飛機，都會有耳鳴啦，何況係小嫩肉BB？想BB少啲耳鳴，可以係起飛、降落前開始餵BB食奶，會有效避免耳鳴。但如果BB瞓著左，就唔需要嘈醒佢。

7/ 留意嬰兒隨身行李攜帶規定 check-in時詢問確認

BB用品咁多，有時你可能會唔覺隨身帶左啲唔可以上機嘅用品，例如剪食物用的小剪刀咁，所以check in時，有乜疑問就問下航空公司人員啦，佢地一定幫到你嘅！

8/ 購買旅遊保險

始終係出門遠行，舟車勞動，BB一不小心傷風感冒，都要係外地用到醫療，所以大家一定要買啲可以保埋小朋友嘅旅遊保險喇！有啲家庭旅遊保險，十七歲以下嘅小孩係唔駛另外補錢嫁！

想為家庭購買旅遊保險？按此可以幫你快速按需要格價！http://goo.gl/q3W7Qc

9/ 自備心意卡

依點唔係必要，但如果做到，係好有愛嘅表現！BB哭喊係平常事，不過同樣會為身邊人帶來騷擾。父母可以自備心意卡，當BB騷擾到人時，就派畀受影響人士，可以令氣氛緩和，減少同人爭執的機會，甚至可以交到新朋友添。

10/ 隨身帶check list 行動別匆忙

飛機降落前半小時左右，就記住要收拾隨身行李喇，最好就係自己整個物品check list，清清楚楚唔怕漏，降落後都唔好急住落機喇，等空間多啲先輕鬆離開啦，旅行嘛，記住要relax！

——

即上MoneyHero.com.hk，瀏覽更多金融產品（例如按揭、醫療保險、旅遊保險、信用卡、私人貸款）有關既資料！想知多啲慳錢貼士同理財建議，就要留意MoneyHero blog，同埋緊貼MoneyHero facebook page!