7本人生必睇理財好書

互聯網時代資訊爆炸，好多人都會上網搵資料，但如果你留意下身邊成功嘅人，好多都仲會攞住本書，維持閱讀嘅習慣，因為經過嚴謹編審同市場洗錬，只有真正經典好書先得以留存，所以大家想增值自己，不妨由而家開始培養閱讀習慣。今日就同大家介紹下7本理財必睇好書:

1. "The Intelligent Investor" (Rev. Edition) / 《智慧型投資者》

book1

此書被稱為"the Red Book"嘅經典投資入門書籍﹙新版已經變成藍色封面﹚，作者係被譽為「現代證券分析之父」「華爾街教父」嘅價值投資始祖Benjamin Graham （本傑明·葛拉罕），巴菲特亦經常重讀此書﹙Benjamin為巴菲特大學老師﹚，幾十年來歷久不衰，不少人奉為聖經。

2. "Rich Dad, Poor Dad" / 《富爸爸窮爸爸》

book2

這本書已被譯成51國語言，銷售109個國家2900萬冊，作者是Robert T. Kiyosaki（羅伯特・清崎）。不過呢本書嘅評價好壞參半。當中關於複息、錢搵錢、現金流同財務自由嘅概念非常重要，對一般普羅大眾不失為啟蒙級別的理財書籍，但不少人批評書中否定工作嘅價值，容易導致賺快錢嘅心理。

3. "The Millionaire Next Door: The Surprising Secrets of America's Wealthy" / 《原來有錢人都這麼做》

book3

兩位作者 - Thomas J. Stanley & William D. Danko（湯瑪斯・史丹利及威廉・丹柯）花咗 20 年嘅時間研究、訪問咗500 幾個淨資產超過百萬美元嘅富翁，以及蒐集萬幾份高收入人士嘅問卷，寫呢啲有錢人用錢嘅態度、生活方式、資產累積，以及子女教育...等，歸納出「如何變成有錢人？」呢個問題嘅終極答案。有趣嘅係，作者認為有錢人並非「身光頸靚」嘅名人，反而多數係隱藏喺你我之間。

4. "Think and Grow Rich" / 《思考致富》

book4

呢本書係Napoleon Hill（拿破崙‧希爾）響1937年嘅著作，作者用咗20年時間走訪卡內基、福特、羅斯福、愛迪生等500個成功人士同富豪（有啲受訪時尚未成功，後來20年間真係出人頭地），總結13個賺錢秘訣，並唔係搵快錢嘅貼士，而係包含大智慧嘅真正人生勝利組心得。

5. "Common Stocks and Uncommon Profits" / 《非常潛力股》

book5

《非常潛力股》早於1958年寫成，作者Philip Fisher（菲利普.費雪）到今日依然係最有影響力嘅投資者之一，亦係巴菲特另一本愛書。此書係選擇成長型股票嘅經典入門指南，有少少學術或技術成份，比啲時間自己慢慢消化，最好做埋筆記，相信以後無論投資定做生意都好有幫助。

6."The Essays of Warren Buffett" / 《巴菲特寫給股東的信〔全新增修版〕》

book6

唔使多講大家都認識股神巴菲特，呢本書收編咗佢寫比Berkshire Hathaway股東嘅信，講述佢好多對投資及管理嘅見解，有興趣了解股神如何作出商業決定、同佢對最新財經發展分析嘅朋友，值得睇下。

7."A Random Walk down Wall Street: The Time-tested Strategy for Successful Investing" / 《漫步華爾街》

book7

好多人嘅第一本投資書就係呢本《漫步華爾街》，作者係Princeton大學教授 - Burton G. Malkiel（墨基爾），用半理論半故事方式講金融，介紹「隨機漫步假說」(Random Walk Hypothese) 及效率市場假說（EMH，Efficient market hypothesis），深入淺出講各種投資分析方法（包括技術分析和基本面分析）以及其優點缺點，無論投資素人定經驗豐富嘅專業投資者睇完都會有所領略。

祝大家早日達到自己訂立嘅理財目標，好好享受人生。如果讀者對其他理財產品有疑問，歡迎留言。下次會分享比較輕鬆嘅主題或者解答下常見嘅留言 / 私訊問題。

無論任何投資，點都有一定風險，平時想穩穩陣陣慳錢理財？可以即上 MoneyHero.com.hk 信用卡、私人貸款、旅遊保險及按揭比較平台，睇晒所有最新優惠，先至作出理財決定！

Rachel 2