你諗好你既萬聖節party 打扮未？得番兩日就係萬聖節啦！諗唔到著咩出席，又唔想為左一日去買套衫放係屋企，點算好？唔使驚！MoneyHero 今日就為大家介紹7 個萬聖節既打扮方法，等你可以輕鬆裝扮自己，搶眼赴會！唔使擔心，以下呢幾個DIY都係易到你唔信，你一定可以輕鬆做到！

在萬聖節cosplay 當然唔係小朋友既專利！呢一日係俾大家盡情顯露你最童真既一面！快d 睇下萬聖節可以點樣打扮啦！

• Lego 公仔打扮

Kaged Kombat 呢段片教左大家點將自己變成一個lego 公仔。你都可以唔咁大陣仗，只用卡紙黎整你既Lego 服飾，慳水慳力又得意。

• 瘟疫醫生打扮

呢一身瘟疫醫生既打扮係唔係好嚇人呢？瘟疫醫生係十五世紀既黑死病象徵，係當時既恐怖都市傳說之一。Ian Scheele較大家用3個簡單步驟將自己打扮成瘟疫醫生，仲唔快d 睇下？呢個恐怖面具係用皮做既，但你覺得麻煩都可以隨便用卡紙代替都得。

• 超人面具

   

呢排超人戲咁多人睇，大家都快d 整個超人面具過過超人癮啦！做超人面具好簡單，大家可以隨隨便便用絨布都可以整到。想知道點整，快d 去片啦！

• 喪屍假傷口

   

依家喪屍戲咁多，你都一定有睇過。想試下扮喪屍整到自己成身傷口？唔一定要化妝師幫手既。TheManKnowsAll 整左條片教大家點係身上整傷口，等你輕鬆cosplay 刀疤戰士無難度。

• 恐怖稻草人

  

呢身打扮真係前所未有咁簡單。你只需要一身鬆身衫，一頂大帽同一個麻包袋，可以加多幾條稻草添！

• 蜘蛛仔服裝

  

呢件衫你只需要買8 隻高筒襪，塞滿佢地，再用魔術貼貼上hoodie 就得。你中意既話，用絨布加多對眼都仲得呢。

• Pizza cosplay

  

如果你既小朋友唔中意超人但又好中意食Pizza，你不妨將佢打扮成一塊pizza啦！

Images are properties of the instructables makers mentioned via creative commons license