俗語有云「七分實力，三分運氣」，凡事都講運，農曆新年必做嘅，當然就係睇睇流年運程啦！除咗健康之外，大家最關心的就梗係財運。若果財運係好的，當然開心； 麻麻的話亦不需要灰心，皆因MoneyHero.com.hk就準備咗 12生肖理財 貼士俾大家，等大家可以因應新一年財運Plan定理財大計，精明地過猴年！
猴：為健康買個保障
出生年份：2004年、1992年、1980年、1968年、1956年、1944年
今年屬於本命的馬騮仔馬騮女，變化可以話是十分大，運程會動盪不安，人際關係可能會有些阻滯，小心禍從口出。但今年從事有關寫作和創作的朋友事業發展不錯，會盡顯才華，成為行內搶手的人才；從商的就不要對今年太有期望，不妨發展下外地市場。今年各位馬騮仔馬騮女可能會有唔少輕微的病痛，要特別注意下自己和長輩的健康問題，或者需要花上一筆錢在醫療費用。
理財貼士：因應健康問題，可能會有額外醫療費用。為免破財，應考慮買份醫療保險，咁就可以慳番唔少。（想了解更多或直接購買醫療保險，請即按此。）
雞：擴展被動收入，賺取額外金錢
出生年份：2005年、1993年、1981年、1969年、1957年、1945年
猴年為雞仔雞女的事業發展年，有不少吉星，雖則如此但財運就麻麻地。但既然有事業運，只要踏實工作，必定能夠得到回報，亦可以藉此提升行內名聲。今年會經常出席飲宴，要注意腸胃、慢性疾病及體重方面的問題，小心大吃大喝引致暴肥。
理財貼士：要踏實工作才能有一定回報，但如果要達成上車的願望，只靠正職收入又點夠呢？咁可以點？不如試下創造「被動收入」，錢搵錢啦！（相關閱讀：如何獲得財務自由？全靠「 被動收入 」）
狗：貴人運好，有助事業運
出生年份：2006年、1994年、1982年、1970年、1958年、1946年
屬狗的你今年貴人運不俗，不會像其他星座會容易發生口角，工作氣氛都較為和諧。今年工作運不過不失，轉工與升職的機會不大，若想轉工，可以借貴人運旺盛，嘗試聯絡舊老闆及長輩，請求幫助。至於今年的健康運，會比去年好，但就要注意氣管和呼吸系統。
理財貼士：有啲人想轉工，除咗搵前輩和前上司幫手之外，仲會搵獵頭公司。其實而家有唔少公司會透過如LinkedIn呢類網絡平台，尋找佢哋想要嘅人才。如果將你個Profile整得好啲，其實大大增加你的轉工機會。（相關閱讀：如何令 LinkedIn 上的個人檔案最佳化？）
豬：財運不俗，出門要謹慎
出生年份：2007年、1995年、1983年、1971年、1959年、1947年
豬今年為太歲傷害生肖，幸而只會遇上一些小事小非，不用太擔心。今年整體財運比其他生肖好，可以說算是不錯，可作穩健投資，亦有利於自僱人士。至於健康方面，輕微犯太歲的豬仔豬女就要小心，要多運動，但要避免進行高危運動，出門亦要小心。
理財貼士：今年出門的豬仔要小心，雖則話要避免玩高危運動，但有時去旅行呢啲嘢，有呢次就未必有下一次，可能你會諗：有得玩就梗係玩咗先啦！所以出門之前，當然要買番份有足夠保障的旅遊保險。（想了解更多或直接購買旅遊保險，請即按此。）
鼠：小心理財，買個保障
出生年份：2008年、1996年、1984年、1972年、1960年、1948年、1936年
屬鼠的人士今年的人緣和貴人運不錯，亦有被提出合作做生意的機會，但今年的財運就可能較容易破損，偏財運亦較弱。事業都會有所進步，若想有自己的事業，或者想轉換工種，今年會是個不錯的時機。另外健康方面就要多注意，因為有機會遇上意外，出遠門要加倍小心。
理財貼士：在財運較弱的日子，理財方面就要更加小心，要量入為出，再決定你的消費模式。不妨多用手機中的理財應用程式。（相關閱讀：啲錢唔知去晒邊？嚴選4大 理財 記帳Apps）另今年健康運不算佳，出遠門有機會遇上意外，Touch wood如果冇做好準備，手尾長之餘仲會傷到荷包添，所以旅遊保險真的不可少！（想了解更多或直接購買旅遊保險，請即按此。）
牛：做好準備，爭取機會
出生年份：2009年、1997年、1985年、1973年、1961年、1949年、1937年
牛年的朋友在去年吃了不少苦，今年算是轉運，即使會遇上麻煩事，但都能夠化險為夷。財運方面，今年情況不錯，宜多爭取機會，努力發展，訂立目標，馬上出擊，會有不錯的結果。事業方面，亦會有向上流的機會，但就不適合轉換工作。至於健康，就要較為小心家中雜物，宜放好，否則容易發生家居意外。
理財貼士：若果想及時捕捉機會，在準確的時候投資的話，資金就唔少得啦。手頭上的資金不足夠，貸款周轉亦算是正常事。但借貸之前就應該考慮不同的條件，再決定選擇哪種貸款。（想了解更多或比較不同私人貸款，請即按此。）另外，今年牛仔健康運都好似有啲阻礙，除咗放錦盒化解之外，亦都要考慮買番份醫療保險。（想了解更多或直接購買醫療保險，請即按此。）
虎：有機結婚生B，做好預算冇騰雞
出生年份：2010年、1998年、1986年、1974年、1962年、1950年、1938年
今連屬虎者為沖太歲，是十二生肖當中變化最大的，但所講的變化可以是感情變化，如拉埋天窗、分手或者係生BB等等；亦可以是事業和住屋變化。今年面對的困難可能會較多，但只要努力工作，在職場就能受到重視。辦喜事可以沖喜添。
理財貼士：今年屬虎人士在感情的變化會較大，適齡者有可能會拉埋天窗或者生BB，兩件都係人生大事，但如果唔好好準備，就會大失預算，荷包重傷！（相關閱讀：究竟結婚要用幾多錢？、BB用品唔慳得？新手爹哋媽咪必讀購物指南）
兔：學習為今年最好投資
出生年份：2011年、1999年、1987年、1975年、1963年、1951年、1939年
各位兔仔兔女注意啦！今年你哋係暗合年，容易有貴人幫助，所以整體來說運勢都不錯。如果你是做生意的話，可以話係商機處處，但就要注意不要作太大投資。事業運勢就要看你有沒有融和的人際關係，若然想工作順利，最好冷靜處事，避免情緒暴躁。健康方面，大致都沒有病痛，但就要提防工作壓力過大。而今年亦是兔仔兔女的思想學習投資年，進修為佳。
理財貼士：今年屬於兔仔兔女的思想學習年，學習絕對是一門對自己最佳的投資，有時間可以讀多個學位自然最好，對未來升職、轉職都會有大幫助。但即使暫時沒有時間金錢，也可以修讀一些相對輕鬆的課程，一樣有益無害。（相關閱讀：7個助你升職的遙距/網上課程）
龍：增加額外收入，財運差都唔使怕
出生年份：2012年、2000年、1988年、1976年、1964年、1952年、1940年
龍仔龍女們在今年猴年會有「羊刃」和「災殺」入宮，財運方面會大上大落，偏財運亦不算好，一切以保守為上，少作短期投資。事業方面，最好是親力親為，避免發生人為意外。雖則今年不宜在工作崗位上有重大的變動，但幸有學習運，可以積極進修，為事業打好基礎。
理財貼士：財運大起大落，偏財運唔好，理財的上策就是要先節流！趁今年培養自己有精明消費的習慣，以守為攻。（相關閱讀：慳錢4大招，與衝動消費講拜拜！）
蛇：收入與努力成正比
出生年份：2013年、2001年、1989年、1977年、1965年、1953年，1941年
屬蛇嘅朋友仔雖則今年犯太歲，但貴人運、學習運和健康運都有所改善，但留意人際關係不佳和情緒不穩。這年是屬於個人力量得財年，收入直接隨工作量上升，最能夠幫助到的是自僱者和收入不穩的商界人士。
理財貼士：今年係蛇仔蛇女嘅個人力量得財年，身為打工仔嘅你，有無諗過投身自由工作者行列呢？就算不是全職做Freelance，亦可以嘗試在餘閒時間賺下外快 力不到不為財，有工作量自然有額外收入！（相關閱讀：唔想打工？做 Freelance 自由工作者的8大貼士）
馬：防患額外支出於未然
出生年份：2014年、2002年、1990年、1978年、1966年、1954年、1942年
猴年各位馬仔馬女適宜四出走動，爭取機會，有利營商。今年驛馬星動，亦是水火互換之年，寒命人（立秋後、驚蟄前，秋冬出生）的好運集中在上半年，想作出任何變動，這是最好的時段；至於熱命人（立夏後、立秋前，夏天出生）就可以做好準備，在下半年再作行動。屬馬的人在2016年可能會有血光之災，最好就是捐血化解。正財和偏財運都不錯，做生意嘅人都有較強的鬥志，但最好就不要作過大的投資擴展，最好留一筆錢備用。避免突如其來的開支。
理財貼士：話說意外即是意料之外，今年或者會遇上意外支出，咁到底有乜嘢種類的緊急開支呢？預先知道就可以做定準備，防患於未然啦！（相關閱讀：居安思危：5項隨時讓你措手不及的 緊急開支）
羊：注意負面情緒，或需幫忙借貸
出生年份：2015年、2003年、1991年、1979年、1967年、1955年、1943年
去年，羊仔羊女們屬本命年變化不定，到今年仍然有些阻滯，皆因有「寡宿」和「病符」入宮，健康方面要多注意腸胃和負面情緒。至於財運方面，尚算順暢，有不少新的合作機會，但同時間有暗地破財的現象，所以錢會容易走得快，宜謹慎行事，量力而為。今年羊仔羊女們的家人可能會要求你幫忙借貸，與上述的一樣，盡力而為。
理財貼士：一家人血濃於水，有起事上嚟，幫得到當然就幫啦！講起借貸，要謹慎行事借之前一定要了解清楚。（想了解更多或比較不同私人貸款，請即按此。）
——
延伸閱讀：買新衫，過新年！送羊迎猴 添新裝＋扮靚 優惠 攻略 2016
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
回到文章
