幾時都話，日本去極都唔會厭！日本一年四季都有靚景，春天賞櫻，夏天睇花，冬天睇雪，而秋高氣爽嘅秋天，就梗係要欣賞充滿秋日浪漫嘅 紅葉 啦！東京最快11月下旬會有紅葉睇，集中在11月下旬至12月上旬，與往年比較沒有太大的分別。MoneyHero為大家嚴選東京市中心以至於近郊地區嘅賞紅葉好去處，當中仲有日本人都推薦嘅私房秘境，一於同我哋一齊欣賞秋天嘅「日本風情畫」啦！
今年日本紅葉預測已經出爐，即睇︰【日本紅葉情報2019】紅葉預測＋全國各地賞楓景點推介
1﹚ 新宿御苑：鬧市庭園美景
新宿御苑位於東京鬧市嘅高樓之間，係東京第一大庭園，可以話係真正嘅「城市綠洲」。呢度本身係好出名嘅賞櫻勝地，同時亦係深受歡迎嘅紅葉名所。園內分為日式庭園、英式庭園同埋法式庭園三部分，仲有溫室、茶室同人工草坪等設施，可以玩足一日！
觀賞期：11月上旬 -12月上旬
地址：東京都新宿區内藤町11
開放時間：9am -4pm（4:30pm閉園﹚
休息日：星期一（如遇假日則為星期二﹚
入場費：一般500日圓／65歲以上長者、高中生及以上250日圓／初中生以下免費
網址：fng.or.jp
前往方法：
- 東京地下鐵丸之内線「新宿御苑前駅」步行5分鐘
- 東京地下鐵副都心線或都營新宿線「新宿三丁目駅」步行5分鐘
- JR／京王／小田急線「新宿駅」步行10分鐘
2﹚ 代代木公園：年輕人野餐勝地
代代木公園曾經係東京奧運選手村，而家已經成為市中心嘅大型森林公園。園內佔地極廣，有齊廣場、噴泉、長櫈、單車步道等，仲不時舉辦跳蚤市場，當地年輕人都好鍾意嚟散步野餐。每年秋天，公園超過1,300棟樹開始變色，楓樹同銀杏樹交織出秋意洋溢嘅紅黃色，浪漫到爆！
觀賞期：11月上旬 - 12月中旬
地址：東京都涉谷區代代木神園町2-1
開放時間：自由參觀
休息日：自由參觀
前往方法：
- JR山手線「原宿駅」步行3分鐘
- 東京地下鐵「代代木公園駅」步行3分鐘
- 小田急線「代代木八幡駅」步行6分鐘
_1250%20x%20520_ZH.jpg?width=675&height=281&name=20241105_HK%20TI%20-%20Year%20end%20lucky%20draw%20campaign_Set%201A_Homepage%20Banner%20(Desktop)_1250%20x%20520_ZH.jpg)
去東京一定參觀過明治神宮，但原來神宮外苑噴水池仲有長達300米嘅「銀杏大道」，一到秋天就變成超夢幻嘅金黃色樹道，個個都化身日劇主角，呢度仲會舉辦銀杏祭典，非常有氣氛。想影最靚嘅「黃金大道」呃Like，就一定要去西洋風地標聖德紀念繪畫館。
觀賞期：11月中旬 - 12月上旬
地址：東京都新宿區霞丘町・港區北青山
開放時間：自由參觀
休息日：自由參觀
前往方法：
- JR中央・總武線「信濃町駅」步行5分鐘
- 東京地下鐵「外苑前駅」步行5分鐘
- 東京地下鐵「青山一丁目駅」步行5分鐘
- 都營大江戸線「国立競技場駅」步行5分鐘
4﹚ 六義園：必賞紅葉夜燈會
Photo Credit: image.space.rakuten.co.jp
六義園建於江戶時代，係以和歌風情為基調嘅「迴遊式築山泉水」大名庭園， 現時係日本嘅「特別名勝文化財」。六義園係賞櫻花同紅葉嘅名勝地，最特別係會舉行紅葉夜燈會，難怪曾被日本人選為賞楓名所冠軍。園內呈現與日本古代歌同中國成語故事相關嘅美景，充滿詩情畫意。
觀賞期：11月中旬 - 12月上旬
地址：東京都文京區本駒込6-16-3
開放時間：9am -5pm（4:30pm閉園﹚
休息日：12月29日 - 次年1月1日
入場費：一般300日圓／65歲以上長者150日圓
前往方法：
- JR山手線「駒込駅」步行7分鐘
- 營三田線「仙石駅」步行10分鐘
5﹚ 國營昭和記念公園：一年四季都有花睇
Photo Credit: zeuse100rs.web.fc2.com
為紀念昭和天皇在位50年建造嘅昭和記念公園，一年四季都有花可賞，每年都會舉辦花卉博覽會，係日本最具代表性嘅公園之一。園內遊樂設施完善，可以坐小火車、踩單車、划艇、燒嘢食、游水，最重要當然係有種滿紅葉嘅日本庭園，同埋200米長嘅「談心銀杏大道」。
觀賞期：11月上旬 - 11月下旬
地址：東京都立川市緑町3173
開放時間：9:30am - 5pm（11月 - 2月：9:30am - 4:30pm）
休息日：無休息日
入場費：一般450日圓／65歲以上長者210日圓／初中生和小孩免費
前往方法：
- JR青梅線「西立川駅」步行2分鐘
- JR中央線「立川駅」步行10分鐘
- 多摩都市單軌列車「立川北駅」步行8分鐘
6﹚ 高尾山：超人氣登山徑
Photo Credit: samurai japon
高尾山榮獲全日本遊客最多嘅登山路徑第一名，距離東京只有個幾鐘車程，步行40分鐘左右就可以到達山頂，好彩仲可以望到富士山，係超受本地人同遊客歡迎嘅紅葉勝地。賞楓時期仲會舉辦高尾山紅葉節，現場有八王子車人形表演、日本太鼓表演、枡酒攤檔等。
觀賞期：11月中旬
地址：東京都八王子市高尾町
開放時間：自由參觀（登山纜車8am始發、登山電梯9am始發﹚
休息日：自由參觀
網址：www.hachioji-kankokyokai.or.jp
前往方法：
- 高尾登山纜車「高尾山駅」步行40分鐘
7﹚ 小金井公園：鳥語花香夢幻場景
Photo Credit: kirarian.com
前身係小金井大綠地，戰後曾經係皇太子臨時居所，而家係都市公園，面積涵蓋櫻花園、射箭場、SL蒸汽列車展示區、網球場、野餐區等，適合一家大細一齊享受親子樂。呢度最正係無之前講嘅紅葉名所咁多遊客，鳥語花香，充滿隱世寧靜嘅生活氣息，小朋友一定玩到唔捨得走！
觀賞期：11月上旬 - 11月下旬
地址：東京都小金井市關野町1-13-1
開放時間：自由參觀
休息日：自由參觀
前往方法：
- JR中央線「武蔵小金井駅」轉乘西武巴士至「小金井公園西口停留所」直達
8﹚ 小石川後樂園：和式庭園配小橋流水
Photo Credit: geinou-ura.com
小石川後樂園係東京兩大庭園之一，原本係水戶德川家江戶屋宅邸內嘅庭園。園內以池塘為中心，屬迴遊式泉水庭園，引進咗圓月橋、西湖堤等中國名景，亦有模仿京都嵐山大偃川等日本名勝，糅合日本建築特色同埋中國式庭園造景，配埋紅葉景色，絕對唔會令你失望！
觀賞期：11月中旬 - 12月上旬
地址：東京都文京區後樂1-6-6
開放時間：9am - 5pm（4:30pm閉園﹚
休息日：無休息日
入場費：一般300日圓／65歲以上長者150日圓／小學生、東京的初中生和小孩免費
前往方法：
- 都營地下鐵「飯田橋駅」步行2分鐘
- JR中央・總武線「飯田橋駅」步行8分鐘
- 東京地下鐵「後樂園駅」步行8分鐘
9﹚ 向島百花園：地道之選 百花盛放
Photo Credit: asoview!NEWS
向島百花園坐落於墨田區，係江戶時代文政時期由古董商人興建嘅名園，現時係日本國家名勝及史蹟，紅葉同梅花都好出名。呢個以花卉草木為主嘅民營花園，仲有一條「胡枝子隧道」為人熟悉，亦種咗「秋之七草」，所以秋天就更加要嚟呢個「百花之園」賞花賞葉啦！
觀賞期：11月中旬 - 12月中旬
地址：東京都墨田區東向島3-18-3
開放時間：9am - 5pm（4:30pm閉園﹚
休息日：無休息日
入場費：一般150日圓／65歲以上長者70日圓／小學生和東京的初中生免費
前往方法：
- 都營巴士亀戸-日暮里（里22）「百花園前」步行3分鐘
- 東武Skytree Line「東向島駅」步行8分鐘
- 京成電鐵押上線「京成曳舟駅」步行13分鐘
10﹚ 奥多摩湖：隱世湖光山色 日本人大推
Photo Credit: kknew
奥多摩湖位於東京都同山梨縣之間，屬於離首都圈最近嘅國立公園秩父多摩國立公園範圍內，曾經多次入選為日本紅葉名所，湖水平靜，群山環繞。除咗紅葉倒影喺湖面上嘅靚景，湖上的「浮橋」亦係奧多摩湖嘅出名景點之一。呢度絕對係連日本人都大推嘅私房秘境！
觀賞期：10月上旬 - 11月中旬
地址：東京都西多摩郡奧多摩町原
開放時間：自由參觀
休息日：自由參觀
前往方法：
- 西東京巴士「奥多摩湖巴士停」直達
東京近郊：もみじ谷大吊橋
Photo Credit: travel.co.jp
位於東京近郊的那須塩原市的紅葉谷大吊橋，全長三百二十米，是日本最長的無補剛桁吊橋。紅葉季節到橋上觀賞紅葉景色，鮮豔山景倒映在湖面上，感受被紅葉包圍的浪漫秋意。
觀賞期：11月上旬 - 11月中旬
地址：栃木縣那須塩原市關谷 1425-60
開放時間：8am -6pm（從11月1日 - 次年3月31日：8:30am - 4pm﹚
休息日：無休息日
入場費：一般300日圓／65歲以上長者、初中生、小學生200日圓
前往方法：
- JR 宇都宮駅乘東北本線往JR西那須野駅，轉乘往「塩原温泉」方向巴士，於「もみじ吊橋」下車（約 26 分鐘車程）
- JR東北新幹線那須鹽原站西口，轉乘往「塩原温泉」方向巴士，「もみじ吊橋」站下車（約50分鐘）
相關文章︰【日本旅行App】6個超實用、免費下載必備手機App
相關文章︰【東京櫻花2020】6大日本賞櫻景點及花期預測情報
相關文章︰【信用卡攻略】儲飛行里數必備信用卡
想知道最新嘅理財貼士，就要留意 MoneyHero Blog，同埋緊貼我哋嘅 Facebook Page！
回到文章.png?width=280&name=unnamed%20(1).png)
