7月仲未到，但天氣已經熱到不得了。出一陣街就一身汗，自然想返屋企開大冷氣抖暑。不過日日如是，2個月後張電費單就好重皮！唔想電費咁貴，其實方法多的是。一於等MoneyHero.com.hk為大家介紹下夏日慳 電費 10招，幫大家度過環保又慳錢嘅暑假！
冷氣機篇
1）天時暑熱想開冷氣在所難免，不過冷氣機嘅耗電量係風扇嘅10倍，如果覺得未去到好熱，不妨改開風扇。就算開冷氣亦應盡量保持温度喺攝氏 25.5度，因為冷氣每調高1℃，就可以慳電3% 。
2）想再慳啲，大家可以喺冷氣機安裝個時間掣，晚上輪流開動，或預設於起身前1個鐘關機，咁就唔使成晩長開冷氣咁嘥電啦！
3）如果你正打算買冷氣機，記得要揀1級能源標籤嘅冷氣機，因為能源效益達1級嘅冷氣機比3級嘅冷氣機慳36%電力，而用電量愈高，每度電嘅收費就愈高，所以選擇每年耗電量低嘅分體式冷氣十分重要。順帶一提，早前消委會測試咗多款冷氣機，發現新款變頻式冷氣機比傳統定頻式冷氣機更慳電，估計每年電費差距最多更相差近1倍（超過$400），大家買冷氣機時要留意！
（*而家唔少電器商戶都推出不同信用卡優惠。例如去百老匯就要用渣打信用卡，可以賺高達15%現金回贈。想知道更多買電器信用卡優惠？即睇：買電器首選5大信用卡。）
雪櫃篇
4）一到夏天就自然想食凍嘢解暑，不過經常開關雪櫃會令雪櫃温度上升，所以要盡量避免。同時，大家亦切忌將雪櫃放喺陽光直接照射到嘅位置，又或者喺焗爐等熱源附近。
5）揀雪櫃應該揀1級能源標籤嘅雪櫃，比能源效益為1級嘅雪櫃慳41%電力，每年估計可慳幾百蚊電費。
6）雪櫃切忌長期騰空，因為空嘅雪櫃比裝滿食物嘅雪櫃需要更多電力來製冷，如果見雪櫃太空，大家可以擺放幾支水，保存冷氣。
洗衣機
7）大熱天時好易搞到汗流浹背，要洗嘅衫都自然多咗。不過，半滿同全滿嘅洗衣機耗電量都差唔多，最好都係儲滿一機衣物至開機。
8）唔用乾衣機改為自然晾曬衣物，環保又慳電！
9）都係嗰句，揀能源效益高嘅洗衣機，可以幫你慳唔少電費。仲有，洗衣量愈高，用電量亦愈大。一般二人家庭選擇洗衣量為5公斤嘅洗衣機經已足夠，而四人家庭可以揀7公斤或以上嘅款式。根據機電工程署嘅資料顯示，一部能源效益達1級嘅水平滾筒式洗衣機（洗衣量5公斤）同第5級相比，每年最多可慳$170電費！
10）用信用卡交水電煤費：無論平時點慳，水電煤費始終係必要開支，點避都避唔到。不過只要揀啱信用卡，就可以利用呢筆支出儲里數，好似東亞Flyer World萬事達卡咁，用嚟交水電煤費甚至保險都可以每$5賺1里，話咁易就儲夠里數換免費機票去旅行啦！
想知更多，可參考：交水電煤費儲 飛行里數 攻略
——
延伸閱讀：夏日親子攻略：玩轉7大消暑 水上活動 （2016年夏季版）
延伸閱讀：【搶平機票！】2016年夏季 廉航 攻略：日本韓國篇
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
回到文章
