農曆新年過後，大家係咪覺得自己肥咗呢？為咗健康著想，係時候計劃下 減肥 大計，恢復美好身材！但係世上冇不勞而穫嘅事，想有迷人身段同健康體魄，就一定要付出金錢同努力。不過，參考我哋嘅慳錢攻略，荷包就冇咁傷啦！MoneyHero.com.hk 今日就同大家計下各種運動嘅一般花費，為大家提供健康又慳錢嘅減肥方法！
1）做Gym
去健身中心做Gym，價錢較難一概而論。如果簽約年期較長，月費可低至$200～$300；如果係Platinum計劃（即可享用健身中心任何分店服務），收費亦會比單一分店嘅計劃較高。另外，較高級的健身中心設備較先進齊全，服務亦較全面，收費可高達每月$800～$1,000。
如果你自問係新手，又或者只想閒時做下Gym，咁康文署可能更適合你。康文署健身室嘅一般收費為每小時$13～$14，而月票則為每月$180。凡年滿15歲或以上人士，只要參加康文署舉辦嘅「正確使用健身室設施簡介會」並通過筆試，就可以登記成為康文署健身室嘅使用者喇！此外，非牟利團體如YMCA、仁愛堂、李福林體育會同工聯會都設有健身中心，價錢較相宜，都係唔錯嘅選擇！
2）玩瑜伽
如果你平時返工都係由朝坐到晚，又成日對住部電腦嘅話，咁瑜伽就好適合你！瑜伽除咗可以舒緩肌肉疲勞，仲可以改善身體線條。大型瑜伽中心大多提供月繳型課程，如果課程年期較長，月費會較低。大概而言，平均每堂收費為$90～$200。如果係高溫瑜伽或者空中瑜伽，每堂收費又會再高啲。一般纖體瑜伽班收費較平嘅有靜觀瑜伽學會（8堂$712）同埋瑜心舍（10堂$950）。
提提你，玩瑜伽可能需要購買嘅用具包括：瑜伽墊（約$120～$400）、瑜伽磚（$60～$170）同埋瑜伽帶（$50～$100）。
如果你有 匯豐Visa Signature / 白金Visa / 銀聯雙幣鑽石卡，就可以得到 Pure Yoga 嘅1天免費通行證，並以優惠價$500或$1,000，分別享有2～4星期通行證。另外，你亦可以喺另一家瑜伽中心 Bodywize 免費享瑜珈及跳舞課程1節，如果參加私人瑜珈課程仲有6折添！想知多啲優惠詳情請按此。
*温馨提示：近年唔少大型健身/瑜伽中心都有涉嫌以不良手法推銷嘅負面新聞。大家向中心職員查詢價錢時，記得唔好輕易交出信用卡，以免信用卡遭人盜用！仲有，要問清楚細節，如果覺得計劃唔合埋或者唔符合你需要，就要堅決拒絕！
3）打泰拳
唔少人會覺得泰拳既危險又難學，但其實泰拳運動量大，可以鍛鍊全身肌肉，好適合想纖體瘦身嘅人！而且近年唔少拳館都有開設針對 減肥 而設計嘅課程，想改善體態就更事半功倍啦！而家泰拳課程一般月費約為$400～$800（1個月4堂），而無限任上嘅月費則為$1,000～$1,500不等。小編見收費較平嘅包括 Santichai Fitness（上午時段4堂$390）同埋 ABIRA Boxing（平日下午6點前4堂$448）。
至於泰拳用具，拳套一般售價為$200～$400左右，而保護腳跟關節用嘅護腳踝則平均為$100。唔少拳館嘅課程都係平日非繁忙時段收費較平，時間較彈性嘅朋友不妨揀呢啲時間上堂，慳錢之餘，人都少啲！
延伸閱讀：了解5件事，清楚 貸款 話咁易！
4）踩單車
踩單車可以改善心肺功能，不但健康好玩，仲十分環保添！而家喺大圍、沙田、馬鞍山、大埔、元朗及將軍澳等地區都有得租單車，價錢由每小時$20至$40不等，如果想租全日嘅話，一般收費為$50至$100。另外，西九文化區管理局都有推出「悠遊西九」單車服務，每小時$20，有興趣嘅朋友可以按此閱讀詳情。
如果想買單車就要留意，唔同品牌及功能嘅單車價錢差異較大！一般單車$2,000～$5,000都有交易。唔鍾意戶外運動嘅朋友可以改玩室內健身單車，可自己調節強度同速度，仲可以邊踩邊煲劇添！一般健身單車售價為$2,000～$4,000左右，如果想要更多功能，就至少要$6,000～$8,000。
想買單車又嫌太貴嘅話，不妨考慮申請張 渣打白金信用卡 同 銀聯雙幣白金信用卡，因為由即日起至3月13日 ，只要申請有關信用卡，就可以選擇一輛20"限量別注版摺車作迎新禮品，仲額外送多你一張$100惠康禮券添！
5）跑步
近年愈來愈多人鍾意跑步強身，簡單之餘又唔需要買特別器材，而且跑步會用到全身好多部分嘅肌肉，喺消耗熱量方面非常有效。不過，如果冇一對適合嘅運動鞋，好容易會傷害膝關節，造成勞損，所以買返對靚跑鞋非常重要。一般跑鞋價錢由$500～$1,000不等。
如果想慳多啲，買鞋嗰陣就要記得帶埋張信用卡，例如 中國建行信用卡 用戶喺指定Adidas專門店同埋皇家運動專門店買嘢都有9折優惠！DBS信用卡用戶則喺Skechers同皇家運動專門店享9折優惠。而 Citbank 信用卡 用戶喺Adidas、Free Running、Giga Sports、馬拉松、Reebok同運動家都有85折至9折優惠！按此閱讀詳情。
6）游水
游水不但消耗熱量，而且可以加快新陳代謝，係理想嘅減肥運動。而家游水課程每堂大概為$120至$200左右，如果搵私人教練小班教學，費用就更貴。不過，如果只打算閒時去公眾游泳池游下水，入場費都係每節$17～$19，全日制學生仲有半價優惠添！
至於泳衣，匯豐信用卡 用戶可以去Roxy、Cotton On、Giga Sports等商戶睇睇，因為呢幾間商店都係 匯豐信用卡「最紅自主獎賞」嘅指定商戶，只要選擇將5X「獎賞錢」分配去「賞品味」嘅簽賬類別，喺以上商戶消費時就會賺到6倍嘅「獎賞錢」架喇！想知仲有邊啲商戶係指定商戶，可瀏覽番官網。
——
上埋我哋嘅比較平台，揀番張回贈高、又可以做免息分期嘅信用卡，就可以慳更多！
如果你好關心自己嘅健康問題，不妨行多一步，買番份醫療保險，保障自己同你嘅屋企人。
飲食習慣差，又長期缺乏運動，不但令人容易肥，仲會增加患心血管病等慢性疾病嘅機會！其實除咗注意飲食同做運動之外，仲可以做啲咩保障自己呢？
延伸閱讀：【阿信與阿諾的cafe-chat】1：後生仔，通波仔
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
回到文章
