【阿信與阿諾的Cafe Chat】2：醫療保，公司自購互幫補

阿信與阿諾，舊同學兼好朋友。雖然畢業後各在不同行業打拼，但仍然Keep in touch，經常相約嘆嘆咖啡吹吹水，談天說地乜都噏一餐，時而輕鬆講八卦，時而認真論人生，話題不絕，咖啡常添，友情常在…… 今次仲請來，佢哋嘅好朋友兼保險從業員娜姐。

阿信：「喂，你望住我杯奶茶做乜？你想飲咪叫一杯囉，我請你喇。」

阿諾：「我想叫你小心啲，我上星期睇醫生話我可能係飲得奶茶太多出事。」

阿信：「咁大鑊？做乜事啊？」

阿諾：「無啦啦條腰劇痛，去到醫院Check先知我係生腎石，痛到我呢…… 醫生話呢種痛僅次於生小朋友。好彩醫生話而家可以揀體外碎石治療，比起以前開刀做手術風險低同痛少好多，不過費用就會較高。不幸中之大幸係，之前聽咗娜姐講自己買多份醫療保，否則張單成6萬幾蚊，肯定仲肉痛啊！」

娜姐：「所以話女人幾咁偉大呢！」

阿諾：「係喇，最偉大係你喇，好彩得你幫手Claim足醫藥費。」

阿信：「最緊要個人無事。但你公司唔係有醫療保嘅咩？做乜又要勞煩我哋娜姐啊？」

娜姐：「份內事份內事。其實因為阿諾公司份醫療保險分好多細項，每個細項嘅保障額都有上限，今次咁嘅Case，手術費同醫院雜費都Claim唔足，差2萬幾蚊，所以要靠阿諾自購嗰份醫療保 Claim餘額囉。」

阿信：「咦？我都唔清楚公司份醫療保嘅保額夠唔夠，咁使唔使自己買多份醫療保呢？」

娜姐：「其實一般公司份醫療保多數保額較低或者有墊底費，如果不幸要做較大型手術，自己要俾條數，通常都唔細。我嘅建議，就係自購一份可以自選墊底費嘅醫療保，互補公司醫療保嘅不足，咁就無後顧之憂啦！」

阿信：「但咁買法會唔會好重皮呢？」

娜姐：「好似阿諾嗰份尊尚醫療保，30歲投保揀咗亞洲區保障同$25,000墊底費，每月都喺大概4百幾蚊保費，每日飲少兩杯奶茶都喺度啦！其實健康最重要，到你不幸要做手術，如果因為錢而得唔到最好嘅治療，就得不償失。而且墊底費愈高嘅醫療保，你要俾嘅保費就愈平，當你需要全面嘅保障，你自己買多份係唔會嘥咗錢的。」

阿信：「聽起嚟幾好，但我好少聽到買醫療保可以自己揀幾多墊底費，要搵啱嘅醫療保似乎好麻煩咁喎。」

娜姐：「其實市面上有啲好啲嘅計劃，係可以俾你自己揀墊底費金額的。頭先講開嘅信諾尊尚醫療保，手術及住院保障嘅墊底費可以揀$25,000或$50,000，又或者唔揀墊底費；而$50,000墊底費嘅計劃，月費比零墊底費嘅計劃，平足一半以上，你可以根據自己嘅預算選擇，自由度極高！」

（欲知後事如何，請看下回分解。）