存款保障計劃第一階段的優化措施由10月1日起生效。香港銀行存款保障額將會由50萬港元升至80萬港元！即係你銀行入面首80萬嘅存款都會受到存款保障計劃保障。以往有部份人可能因為存款保障唔夠高，所以將啲錢分散喺唔同銀行存款。今次優化措施調升存款保障，各位小存戶往後可以讓你更放心存更多錢喺每一個銀行。此措施更可讓虛擬銀行吸更多的存款。例如，眾安ZA嘅高息錢罌。由十月份起做好任務後，該計劃同步升級至首80萬港元都可以享有高息優惠。
美國聯儲局係九月中議息會議後，利率一減就減咗0.5%！各大銀行隨即喺九月下旬都調整咗佢哋嘅一般活期存款利率。一般活期存款利率是由過往嘅0.875%調低0.25%至0.625%。如果你有做開信銀國際大富翁存款嘅朋友就要注意啦，現時廣告中嘅利率係『額外利率』，只要加上基本活期存款利率，就係你實質得到嘅存款利率！減息之後市面上最新情況，一般三個月嘅定期存款都得返 3.5 厘左右了。如果肯做任務嘅你，大新 360°戶口同埋 ZA 錢罌則仍然獲得 4.5 厘以上嘅存款利率。想收高息？有辣有唔辣任君選擇。
中銀10月起繼續推Visa狂賞派信用卡推廣，內容基本上同前三個月嘅推廣冇咩分別。不過你見蛋黃都上一期都無咩點提呢個推廣活動，皆因佢自從七月起只限Visa信用卡參與狂賞派，整體參與推廣嘅難度就高咗了。除非閣下經常出街食飯，咁就可以靠Cheers卡完成嘅實體簽帳$5000要求。除左用Cheers，其他唔係食飯嘅簽賬就可以用Sogo卡手機支付賺埋5%現金回贈。
九月尾，相信大家都經歷咗恒生指數史上前所未見嘅狂牛式上升！國內係毫無預警下，大大力推出救經濟行動。恒生指數短短半個月由萬七點起步去到10月頭已經有22,000點，足足升咗5000點啦！大市氣氛熾熱，當然要諗吓究竟用咩券商做交易好啦？蛋黃推薦當然係富途證券，每三個成年人就有一個用緊，在香港嘅市場地位，絕對唔可以睇小！除咗富途，蛋黃最近還喜歡用老虎證券，老虎證券喺港股交易方面真係做到零佣金、同埋限時免平台費！絕對可以比到一個低成本交易體驗大家。
----------
借定唔借？還得到先好借！
作者盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。
本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。